Vihreä liitto

Liga Verde; Vihreä liitto (en finés); Gröna Förbundet (en sueco)
Dirixentes e organización
Líder	Maria Ohisalo
Mocidades	ViNO
Filiación internacional	Alianza Libre Europea - Os Verdes Europeos; Partido Verde Europeo
Historia
Fundación	28 de febreiro de 1987
Posicións políticas
Ideoloxía	Ecoloxismo; Multiculturalismo; Feminismo
Representación
Representación	10 deputados no Parlamento de Finlandia; 2 deputados no Parlamento Europeo; 370 concelleiros
Outros datos
Sede	Fredrikinkatu 33 A, 00120 Helsinqui
Publicación	Vihreä Lanka
Na rede
	www.vihreat.fi
	v; c; e;

A Liga Verde (en finés Vihreä liitto e en sueco Gröna Förbundet) é un partido ecoloxista finés fundado o 28 de febreiro de 1987 e pertencente ao Partido Verde Europeo. O seu líder é Ville Niinistö.

Historia[editar | editar a fonte]

Aínda que se presentou por primeira vez ás eleccións en 1983, como tal non se constituíu ata 1987 como movemento popular que reunía a sectores tamén procedentes do feminismo e do movemento antinuclear. Nas 1987 obtivo 4 representantes, que nos seguintes comicios aumentarían ata os 10. Nas eleccións europeas de 2004 obtiveron 2 eurodeputados e nas lexislativas de 2007 chegaron ata os 15 deputados (a mellor marca na historia da formación).

Tralas eleccións ao parlamento finés de 2011, a Liga Verde situouse como a 6ª forza política de Finlandia con 10 deputados e o 7,3% dos votos (212.837), aínda que os seus resultados foron peores que nos comicios anteriores, nos que conseguiran 15 escanos e o 8,46% dos votos (234.429).

Resultados electorais[editar | editar a fonte]

Eleccións parlamentarias[editar | editar a fonte]

Artigo principal: Eleccións ao Parlamento de Finlandia.

Dende que a Liga Verde conseguiu os seus primeiros dous deputados no Parlamento de Finlandia (os dous independentes) en 1983, a formación ecoloxista conseguiu mellorar sempre os seus resultados agás en 1995 e 2011, sendo nesta última cita electoral onde se produciu o maior retroceso da formación, perdendo 5 escanos e ao redor de 20.000 votos.

Ano	Deputados	Votos	% de votos
1983	2	43 754	1,47%
1987	4	115 988	4,03%
1991	10	185 894	6,82%
1995	9	181 198	6,52%
1999	11	194 846	7,27%
2003	14	223 846	8,01%
2007	15	233 930	8,5%
2011	10	213 172	7,25%

Eleccións municipais[editar | editar a fonte]

Ano	Concelleiros	Votos	% de votos
1984	101	76 441	2,8%
1988	94	61 581	2,34%
1992	343	184 787	6,9%
1996	292	149 334	6,3%
2000	338	171 707	7,7%
2004	314	175 933	7,4%
2008	370	228 227	8,9%

Eleccións presidenciais[editar | editar a fonte]

Heidi Hautala foi candidata nas eleccións presidenciais de 2000 e 2006, conseguindo nas dúas ocasións aproximadamente un 3,5% dos votos. Pekka Haavisto foi o candidato nas eleccións de 2012, conseguindo pasar á segunda volta, mais perdeu contra o candidato do Partido de Coalición Nacional Sauli Niinistö.

Eleccións ao Parlamento Europeo[editar | editar a fonte]

Finlandia entrou na Unión Europea en 1995 xunto a Austria e Suecia, durante a Cuarta Lexislatura do Parlamento Europeo (1994-1999), asignándolle 16 eurodeputados en 1996 e 1999, 14 en 2004, e 13 en 2009. Dende as primeiras eleccións en 1996, a Liga Verde ten logrado sempre 1 o 2 escanos en tódolos comicios celebrados. Destacan as figuras de Heidi Hautala, que foi eurodeputada en 3 lexislaturas, e que o foi tamén de 2009 a 2011, ata ser nomeada ministra de desenvolvemento. Tarja Cronberg ocupa o posto de Hautala dende aquela. Ademais a exministra Satu Hassi, é actualmente eurodeputada.

Este partido forma parte do Partido Verde Europeo dende a súa fundación en 2004 (o partido ecoloxista de ámbito europeo), que se encontra integrado á súa vez no grupo parlamentario Alianza Libre Europea - Os Verdes Europeos no Parlamento Europeo desde 1999.

Ano	Deputados	Votos	% de votos	Eurodeputados
1996	1	170 670	7,6%	Heidi Hautala
1999	2	166 786	13,4%	Heidi Hautala y a partir de 2003: Uma Aaltonen, Matti Wuori
2004	1	172 786	10,4%	Satu Hassi
2009	2	206 439	12.4%	Heidi Hautala, Satu Hassi