Universidade de Vigo

Na Galipedia, a Wikipedia en galego.
Universidade de Vigo
Logo da Universidade de Vigo
Datos xerais
LocalizaciónVigo
Fundación24 de xaneiro de 1990
Datos actuais
ReitorManuel Joaquín Reigosa Roger
Profesores1459
Alumnos20 311
Orzamento198.700.000 € (2022)
Datos de contacto
EnderezoCampus Universitario As Lagoas-Marcosende
Páxina webwww.uvigo.gal
Facebook: uvigo Twitter: uvigo Instagram: universidadedevigo Dialnet: 819122 Editar o valor em Wikidata
[ editar datos en Wikidata ]

A Universidade de Vigo é unha universidade pública inserida dentro do Sistema Universitario de Galicia con sede na cidade de Vigo.[1] Conta con campus en tres cidades: Campus de Vigo, Campus de Pontevedra e Campus de Ourense.[1] No 2010 a Universidade de Vigo converteuse no centro do campus de excelencia internacional interuniversitario Campus do Mar, no cal participan as tres universidades galegas e varias portuguesas do norte, así como centros CSIC e IEOs.[2][3][4]

Historia[editar | editar a fonte]

O antecedente directo da institución foi o chamado Colexio Universitario de Vigo, creado tras a aprobación en 1972 da construción do citado nas Lagoas, en Marcosende, na parroquia de Zamáns, e baixo o patrocinio da Caixa de Aforros de Vigo. No curso 1977-78 iniciáronse as clases nas titulacións que naquel entón se ofrecían: Ciencias Químicas e Biolóxicas, Económicas e Filoloxía. Dous anos despois do comezo da docencia na institución a Universidade de Compostela integrou os estudos impartidos en Vigo baixo a súa tutela administrativa e académica.[5]

A Lei 11/1989 de 20 de xullo de ordenación do sistema universitario de Galicia reordenou o panorama universitario da comunidade autónoma.[5] A Universidade de Vigo foi constituída como tal en 1990 tras a súa segregación da Universidade de Santiago de Compostela.[5] O primeiro reitor (1990-1994) foi o enxeñeiro químico Luís Espada Recarey que sería substituído no cargo polo profesor José Antonio Rodríguez Vázquez (1994-1998). Entre os anos 1998 e 2006 o posto estivo en mans do catedrático redondelán Domingo Docampo Amoedo, entre 2006 e 2010 Alberto Gago Rodríguez, e entre 2010 e 2018 Salustiano Mato. Dende o 2018 Manuel Reigosa, fisiólogo vexetal, ocupa o cargo de reitor.[6][7]

A Universidade acadou o maior número de matrículas no curso 1999-2000 (29 000 alumnos/as), desde entón houbo un continuo descenso do alumnado. En 2022 contaba con 18 577 matriculados/as (9 904 no Campus de Vigo, 4 677 no de Ourense e 3 905 no de Pontevedra).[8]

Campus[editar | editar a fonte]

A Universidade de Vigo conta con tres campus en diversas poboacións do territorio galego: Vigo, Ourense e Pontevedra.

O Campus de Vigo, ou Campus Vigo Tecnolóxico, atópase distribuído en diversas sedes. A principal delas é a cidade universitaria das Lagoas-Marcosende situada na parroquia de Zamáns, a 15 quilómetros do centro da cidade. Porén, no centro de Vigo sitúase o chamado Campus Urbano, asentado nun edificio da década de 1930 deseñado polo arquitecto vigués Jenaro de la Fuente Álvarez. Este edificio, situado na rúa Conde de Torrecedeira e coñecido aínda na actualidade como Escola de Peritos Industriais, é hoxe parte da Escola de Enxeñaría Industrial da universidade. Anexa a este edificio atópase unha biblioteca universitaria. Xusto enfronte, no outro lado da rúa, está a Escola Universitaria de Estudos Empresariais. Na Illa de Toralla, no Edificio Filomena Dato, ten a súa sede a Estación de Ciencias Mariñas de Toralla (ECIMAT), na marxe sur da Ría de Vigo.

O Campus de Pontevedra dispón de varios espazos dentro da cidade homónima. Posúe un campus central coñecido como A Xunqueira, na zona norte da vila, alén de diversas facultades no centro da cidade. A sede do vicerreitorado está enclavada na Casa das Campás, un edificio histórico de propiedade municipal cedido para uso da Universidade de Vigo.

O Campus de Ourense-Campus da Auga atópase plenamente inserido no casco urbano da cidade, no barrio das Lagoas. Ocupa as instalacións do antigo Hospital da Lonia. Conta, ademais, con outras infraestruturas, coma o Edificio de Ferro (sede das Facultades de Educación e Traballo Social e mais de Historia), ou o Edificio Politécnico, no que se atopa a Facultade de Ciencias e a Escola Superior de Enxeñaría Informática. Na parte nova, coñecida como Campur Sur, sitúanse as Facultade de Ciencias Empresariais e Turismo e mais a de Dereito, ambas no mesmo edificio, e mais a Escola de Enxeñaría Aeronáutica e do Espazo. Outras instalacións inclúen a Biblioteca Universitaria Rosalía de Castro, a piscina universitaria, a pista polideportiva e diferentes espazos para practicar deporte ao ar libre, entre eles un campo de herba sintética.

Centros docentes[editar | editar a fonte]

Escola de Enxeñaría Industrial.

Campus de Vigo[editar | editar a fonte]

Campus das Lagoas, Marcosende[editar | editar a fonte]

Facultade de Ciencias Económicas (Campus Lagoas-Marcosende).
Facultade Filoloxía e Tradución (campus Lagoas-Marcosende).

Campus de Vigo Centro[editar | editar a fonte]

Centros adscritos[editar | editar a fonte]

  • EU de Enfermaría (Meixoeiro)
  • EU de Enfermaría (Povisa)
  • EU de Maxisterio "María Sedes Sapientiae"
  • Escola de Negocios Afundación

Campus de Pontevedra[editar | editar a fonte]

Campus da Xunqueira[editar | editar a fonte]

Campus de Pontevedra Centro[editar | editar a fonte]

Centros adscritos[editar | editar a fonte]

Campus de Ourense[editar | editar a fonte]

  • Escola Superior de Enxeñaría Informática
  • Facultade de Ciencias
  • Facultade de Ciencias da Educación
  • Facultade de Ciencias Empresariais e Turismo
  • Facultade de Dereito
  • Facultade de Historia
  • Escola de Enxeñaría Aeronáutica e do Espazo
  • Centro de Investigación, Transferencia e Innovación (CITI)

Centros Adscritos[editar | editar a fonte]

  • Escola Universitaria de Enfermaría

Estrutura de goberno[editar | editar a fonte]

O 23 de abril de 2018 tiveron lugar eleccións á reitoría da Universidade de Vigo con dúas candidaturas: Ideas que suman, liderada por Emilio Fernández Suárez, e Horizonte 2040, liderada por Manuel Joaquín Reigosa Roger. Esta última resultou a vencedora na cita electoral co 57,55% dos votos.[10] O actual equipo de goberno está formado polas seguintes persoas:

  • Reitoría: Manuel Reigosa
  • Vicerreitoría de Planificación e Sostibilidade: José Luis Míguez Tabarés
  • Vicerreitoría de Comunucación e Relacións Institucionais: Mónica Valderrama Santomé
  • Vicerreitoría de Economía: José M.ª Martín Moreno
  • Vicerreitoría de Investigación: M.ª Belén Rubio Armesto
  • Vicerreitoría de Ordenación Académica e Profesorado:
  • Vicerreitoría de Captación de Alumnado, Estudantes e Extensión Universitaria: Natalia Caparrini Marín
  • Vicerreitoría de Responsabilidade Social, Internacionalización e Cooperación: María Isabel Doval Ruiz
  • Vicerreitoría do Campus de Ourense: María Esther de Blas Varela
  • Vicerreitoría do Campus de Pontevedra: Jorge Soto Carballo
  • Secretaría Xeral: Miguel-Ángel Michinel Álvarez

Graos, mestrados, estudantado e outros datos de interese[editar | editar a fonte]

Desde a súa segregación da Universidade de Santiago de Compostela, a Universidade de Vigo foi pouco a pouco incrementando tanto o número de titulacións como a cantidade de profesorado e alumnado.

A universidade ten nos seus tres campos 22 centros universitarios propios, 7 centros adscritos e 5 centros tecnolóxicos, e que cobren 140 áreas do coñecemento. Neles predomina as titulacións en ciencias sociais e xurídicas e as enxeñarías[11] En 2017 a universidade formaba a 21 235 estudantes: 17237 cursando graos, 2048 mestrados e 1365 doutoramentos.[11] Así mesmo, tiña a 1376 persoas adicadas a investigación e docencia, 434 investigadores en formación ou técnicos e 484 persoas vencelladas a proxectos. O persoal de administración e de servizos foron 702 persoas.[11] Ademais, pasou dun investimento en investigación de 0,51 millóns de euros no ano 1991 a 5,23 millóns no 2001. O orzamento total da institución para 2016 ascende a 160.586.524 €[12]. A meirande parte do gasto corresponde a gasto de persoal e gastos correntes e distribuído na súa maioría nos grupos de investigación tecnolóxica e xurídica e social.[11]

Galería de imaxes[editar | editar a fonte]

  • Edificio Ernestina Otero (As Lagoas, Marcosende)
    Edificio Ernestina Otero (As Lagoas, Marcosende)
  • Edificio Miralles (As Lagoas, Marcosende)
    Edificio Miralles (As Lagoas, Marcosende)
  • Edificio Exeria (As Lagoas, Marcosende)
    Edificio Exeria (As Lagoas, Marcosende)
  • Edificio Exeria (As Lagoas, Marcosende)
    Edificio Exeria (As Lagoas, Marcosende)
  • Facultade de Ciencias Económicas e Empresariais (As Lagoas, Marcosende)
    Facultade de Ciencias Económicas e Empresariais (As Lagoas, Marcosende)
  • Escola de Enxeñaría de Minas e Enerxía (As Lagoas, Marcosende)
    Escola de Enxeñaría de Minas e Enerxía (As Lagoas, Marcosende)
  • Edificio de Ferro: Facultade de Historia e Facultade de Ciencias de Educación e Traballo Social (Campus de Ourense)
    Edificio de Ferro: Facultade de Historia e Facultade de Ciencias de Educación e Traballo Social (Campus de Ourense)
  • Facultade de Dereito (Campus de Ourense)
    Facultade de Dereito (Campus de Ourense)
  • Biblioteca Rosalía de Castro (Campus de Ourense)
    Biblioteca Rosalía de Castro (Campus de Ourense)
  • Edificio de Despachos (Campus de Ourense)
    Edificio de Despachos (Campus de Ourense)
  • Escola de Enxeñaría Forestal (Campus de Pontevedra)
    Escola de Enxeñaría Forestal (Campus de Pontevedra)

Notas[editar | editar a fonte]

  1. ↑ 1,0 1,1 Consellería de Educación e Ordenación Universitaria Secretaría Xeral de Universidades, Xunta de Galicia (2010). GALIGRAF GALICIA, eds. Guía do sistema universitario de Galicia. ISBN 978-84-693-9727-5. 
  2. ↑ "Sobre Campus do Mar". Campus do Mar. Arquivado dende o orixinal o 04/08/2020. Consultado o 26/4/2018. 
  3. ↑ Ángel Paniagua (14/01/2010). "El campus del mar de Vigo ya es un proyecto de toda Galicia". La Voz de Galicia. 
  4. ↑ Primitivo Carbajo (7/11/2010). "Entrevista: SALUSTIANO MATO Rector de la Universidad de Vigo - "El Campus do Mar revolucionará todo el tejido económico"". El País. 
  5. ↑ 5,0 5,1 5,2 Organización institucional, Universidade de Vigo. "Historia da Universidade de Vigo". Arquivado dende o orixinal o 26 de abril de 2018. Consultado o 26 de abril de 2018. 
  6. ↑ "Eleccións 2018". Universidade de Vigo. Consultado o 26/4/2018. 
  7. ↑ Marcos Pérez Pena (23/04/2018). "Antonio López e Manuel Reigosa, novos reitores das universidades de Santiago e Vigo". Praza.gal. Consultado o 26/04/2018. 
  8. ↑ "La tasa de matriculación de nuevo ingreso en los grados de la UVigo alcanza el 99%". El Español (en castelán). 19 de outubro de 2022. 
  9. ↑ Facultade á que de xeito común se lle chamada "Sede Cidade" como se pode ler en Facultade de Enxeñaría Industrial
  10. ↑ "Pachi Reigosa é elixido reitor da Universidade de Vigo con máis do 57% dos votos", Duvi, 23 de abril de 2018
  11. ↑ 11,0 11,1 11,2 11,3 Erro no código da cita: Etiqueta <ref> non válida; non se forneceu texto para as referencias de nome informe2016
  12. ↑ Universidade de Vigo (21/12/2015). "O Consello de Goberno aproba un orzamento de 160,6 millóns de euros para 2016". 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=Universidade_de_Vigo&oldid=6679094»