Thomas Cook Airlines Scandinavia
| Thomas Cook Airlines Scandinavia | ||
|---|---|---|
.jpg) | ||
| IATA DK | OACI VKG | Indicativo VIKING |
| Fundación | 2008 | |
| Frota | 12 | |
| Destinos | 38 | |
| Holding | Thomas Cook Group | |
| Páxina web: http://www.thomascookairlines.dk | ||
Thomas Cook Airlines Scandinavia é unha aeroliña chárter dinamarquesa con sede en Copenhague que forma parte do Thomas Cook Group. Opera voos a destinos de vacacións principalmente no Mediterráneo ademais de servizos de longo alcance dende varias bases nos países nórdicos.
Historia[editar | editar a fonte]
As raíces de Thomas Cook Airlines Scandinavia atópanse en dúas aeroliñas: Conair of Scandinavia do grupo dinamarqués Spies Group, e Scanair do grupo sueco SLG - Scandinavian Leisure Group. Cando as dúas compañía se fusionaron o 1 de xaneiro de 1994 formaron Premiair. Ese mesmo ano SLG foi mercada por Airtours, e a frota da aeroliña repintouse para que coincidíuse coa de Airtours International, aínda que mantivo o nome de Premiair. En 1996 SLG Group mercou Spies Group.
En novembro de 2001 Airtours converteuse en MyTravel Group, e en 2002 Airtours International e Premiair pasaron a chamarse MyTravel Airways e MyTravel Airways A/S, respectivamente. O 12 de febreiro de 2007 anunciouse que MyTravel Group fusionaríase co Thomas Cook Group, integrándose MyTravel Airways en Thomas Cook Airlines na estación de inverno de 2007-2008. MyTravel Airways A/S pasou a chamarse Thomas Cook Airlines Scandinavia o 8 de maio de 2008. A día de hoxe a compañía ten varias aeroliñas irmás: Thomas Cook Airlines, Thomas Cook Airlines Belgium e Condor Flugdienst.
Frota[editar | editar a fonte]
En maio de 2018 a frota de Thomas Cook Airlines Scandinavia estaba formada polos seguintes avións:[1]
| Avión | En servizo | Pedidos | Pasaxeiros | Notas | ||
|---|---|---|---|---|---|---|
| Y+ | Y | Total | ||||
| Airbus A321-200 | 8 | — | – | 212 | 212 | |
| Airbus A330-200 | 1 | — | 49 | 273 | 322 | |
| Airbus A330-300 | 4 | — | – | 388 | 388 | |
| Total | 13 | — | ||||
Notas[editar | editar a fonte]
- ↑ Thomas Cook Airlines Scandinavia (ed.). "Flygflotta". Arquivado dende o orixinal o 27 de maio de 2018. Consultado o 27 de maio de 2018.
