Tamoxifeno
O tamoxifeno é un medicamento que se emprega como terapia complementaria para o cancro de mama. Utilízase durante un período de 5 anos logo de rematar a cirurxía e a quimioterapia e demostrou en diferentes estudos que diminúe considerablemente a probabilidade de que se produza unha reincidencia do tumor.[1]
Comercialízase en forma de comprimidos de 10 e 20 mg. A dose diaria rolda entre 20 e 40 mg repartidos nunha ou dúas tomas.[2]
Tecnicamente clasifícase como modulador selectivo dos receptores estroxénicos. O seu mecanismo de acción baséase no seu efecto antiestroxénico, é dicir, bloquea a acción desta hormona que estimula o desenvolvemento das células tumorales. Non é útil en tódolos cancros de mama, senón só naqueles cuxas células presentan receptores específicos para estróxenos. Os tumores de mama son heteroxéneos a nivel celular e unicamente o 60% presentan receptores hormonais deste tipo.[1]
A súa acción non se limita á mama, pois diferentes órganos teñen receptores para estróxenos. No útero ten paradoxalmente un efecto agonista estroxénico e no óso mellora a asimilación de calcio, polo que é beneficioso na osteoporose, no caso das mulleres menopáusicas. Nas mulleres premenopausicas pode xerar o efecto contrario, aumentado a perda de densidade mineral ósea.[3]
Notas[editar | editar a fonte]
- ↑ 1,0 1,1 Dr. John Link: Cáncer de mama y calidad de vida. Ediciones Robinbook S.L., Barcelona. ISBN 978-84-7927-774-1. Consultado el 1-6-2010
- ↑ Vadenecum. De la A a la Z: Tamoxifeno. Consultado o 1 de xuño de 2010
- ↑ José Terán Dávila, Alejandro D. Teppa Garrán. 2005. Moduladores selectivos de los receptores estrogénicos (SERMs): bioquímica, farmacología y aplicación clínica en ginecología. Ginecol Obstet Mex 73:424-35
| Control de autoridades |
|
|---|
