Signs
| Sinais | |
|---|---|
| Ficha técnica | |
| Título orixinal | Signs |
| Director | M. Night Shyamalan |
| Produtor | M. Night Shyamalan Frank Marshall Kathleen Kennedy Sam Mercer |
| Guión | M. Night Shyamalan |
| Intérpretes | Mel Gibson Joaquin Phoenix Rory Culkin Abigail Breslin |
| Música | James Newton Howard |
| Fotografía | Tak Fujimoto |
| Montaxe | Barbara Tulliver |
| Estudio | Touchstone Pictures Blinding Edge Pictures The Kennedy/Marshall Company |
| Distribuidora | Buena Vista Pictures |
| Estrea |  2 de agosto de 2002 |
| Duración | 106 minutos[1][2] |
| Orixe |  Estados Unidos |
| Xénero | Ciencia ficción e terror |
| Orzamento | $72 000 000[3] |
| Recadación | $408 200 000[3] |
| Na rede | |
           | |
Signs é un filme de ciencia ficción e terror escrito e dirixido por M. Night Shyamalan que se estreou no 2002. Foi producido polo propio Shyamalan, Frank Marshall, Kathleen Kennedy e Sam Mercer. Foi distribuído comercialmente por Touchstone Pictures nos cines, e por Touchstone Home Entertainment no formato de vídeo. A historia céntrase nun antigo sacerdote episcopaliano chamado Graham Hess, interpretado por Mel Gibson, que descobre unha serie de círculos nos cultivos da súa granxa. Hess descobre pouco a pouco que o fenómeno é produto de vida extraterrestre. Tamén está protagonizado por Joaquin Phoenix, Rory Culkin e Abigail Breslin. Signs explora temas como a fe, a bondade e o extraterrestre.[4]
Despois da súa estrea nos cines dos Estados Unidos o 2 de agosto de 2002, o filme recadou $227 966 634. Gañou $180 281 283 máis a través da estrea internacional do filme, conseguindo un total de $408 247 917. Considerando o seu orzamento de $72 millóns, foi considerado un grande éxito financeiro, ademais de ter unha boa acollida por parte da crítica, que eloxiou a atmosfera e a historia. O filme foi nomeado a numerosos premios, incluíndo o da Sociedade de Críticos de Cine en Liña e os Premios Empire.
Sinopse[editar | editar a fonte]
Graham Hess (Mel Gibson) é un pastor protestante que vive cos seus dous fillos (Rory Culkin e Abigail Breslin), e co seu irmán Merrill (Joaquin Phoenix), unha antiga estrela do béisbol que traballa nunha gasolineira. Despois da morte da súa muller nun accidente de tráfico, Graham perde a fe e, en consecuencia, abandona ós seus fregueses. Unha boa mañá, ó espertar, decátase de que os seus fillos non están na casa e que os cans non deixan de ladrar. Atópaos nos campos de millo que rodean a súa granxa, onde os nenos fixeron un descubrimento aterrecedor: un misterioso debuxo de círculos e liñas de máis de 150 metros de lonxitude apareceron nos campos de millo inexplicablemente.
Personaxes[editar | editar a fonte]
- Mel Gibson como Reverendo Graham Hess
- Joaquin Phoenix como Merrill Hess
- Rory Culkin como Morgan Hess
- Abigail Breslin como Bo Hess
- Cherry Jones como Oficial de Policía Caroline Paski
- Patricia Kalember como Colleen Hess
- Michael Showalter como Lionel Prichard.
- M. Night Shyamalan como Ray Reddy
Notas[editar | editar a fonte]
- ↑ The Numbers (ed.). "Signs (2002) - Financial Information". Consultado o 23 de agosto de 2017.
- ↑ Kennedy, Colin (9 de decembro de 2015). Empire, ed. "Signs Review". Consultado o 23 de agosto de 2017.
- ↑ 3,0 3,1 "Signs (2002)". Box Office Mojo. Consultado o 1 de febreiro de 2011.
- ↑ Shyamalan, M. Night (Director). (2002). Signs [Motion picture]. United States: Touchstone Pictures.
Véxase tamén[editar | editar a fonte]
Ligazóns externas[editar | editar a fonte]
- Ficha na IMDb (en inglés)
- Ficha en Filmaffinity (en castelán)
| Director e guionista |
|  |
|---|---|---|
| Só guionista |
| |
| Véxase tamén | ||
| Control de autoridades |
|
|---|
