Semur-en-Auxois

Semur-en-Auxois

Localización
47°29′27″N 4°19′58″L
Estado	Francia
Divisións administrativas	Francia Metropolitana
Rexións	Borgoña-Franco Condado
Departamento	Côte-d’Or
Capital de	canton of Semur-en-Auxois (en) (2015–)
Poboación
Poboación	4.068 (2021) (212,54 hab./km²)
Xeografía
Situado na entidade territorial estatística	Q108921837 Q114359465
Superficie	19,14 km²
Bañado por	Rio Armançon (pt)
Altitude	237 m
Comparte fronteira con	Lantilly Pont-et-Massène Vic-de-Chassenay Villars-et-Villenotte Millery Courcelles-lès-Semur Flée Le Val-Larrey (pt)
Identificador descritivo
Código postal	21140
Fuso horario	UTC+01:00, horario estándar UTC+02:00, horario de verán
Outro
Irmandado con	Laigueglia (pt)
Páxina web	ville-semur-en-auxois.fr

O Armançon ao seu paso por Semur-en-Auxois

Semur-en-Auxois é unha pequena vila francesa, situada no departamento da Côte-d'Or na rexión da Borgoña.

Xeografía

Semur-en-Auxois atópase situado no oeste do departamento da Côte-d'Or, nunha revolta do río Armançon, nuns terreos rochosos onde domina o granito rosa. Cunha pequena extensión de só 19,14 km², En 1999 tiña 4453 habitantes, segundo o censo.

Historia

Escudo da vila

Lugar habitado dende hai moitos séculos, a lenda conta que foi o propio Hércules quen fundou Semur-en-Auxois ao seu regreso da Hispania. Pero ata o ano 606 non se atopan testemuños escritos da existencia da vila, cando o documento de fundación da abadía de Flavigny-sur-Ozerain recolle unha referencia á vila sene muro (lt. "vellas murallas"). En 1276 a vila recibe un foro de liberdade outorgado por Roberto II, duque de Borgoña, e a mediados do século XIV, durante a Guerra dos Cen Anos, a cidade expándese coa construción dunha nova e reforzada muralla.

Pero a súa fidelidade ao duque de Borgoña fronte aos reis de Francia vaille custar á vila unha invasión en 1478, cando as tropas de Lois XI a atacan. O seu segundo ataque de importancia tivo lugar durante as guerras de relixión, cando o mariscal de Tavannes, a toma en 1589. En 1602 o rei Henrique IV obriga a destrución das murallas da cidade, e noméaa capital do bailío de Auxois, con algunhas prerrogativas económicas e administrativas.

Turismo e cultura

Fermosa e pequena vila de ribeira, conta con algúns edificios de importancia histórica, moitos deles (como as catro torres, diversas portas ou o paseo das murallas) relacionados coas antigas murallas e cos restos que delas quedan aínda. Ademais, a colexiata da Nosa Señora, construída en 1225 pero refeita en diversas ocasións, é o edificio relixioso máis interesante, cunha fachada do século XVI e con detalles moi característicos do gótico flamíxero borgoñón.

Véxase tamén

Ligazóns externas

• Web oficial do concello de Semur-en-Auxois