Semerkhet
Semerkhet | |
---|---|
Nacemento | século XXX a. C. |
Falecemento | 2960 a. C. |
Nacionalidade | Antigo Exipto |
Ocupación | monarca |
Pai | Anedjib |
Nai | Betrest |
Fillos | Qaa |
[ editar datos en Wikidata ] | |
Semerkhet foi o sétimo faraón da primeira dinastía de Exipto, c. -2861--2853 (von Beckerath).
Traxectoria[editar | editar a fonte]
Segundo Manetón reinou 18 anos, e denomínao Semempses (Xulio Africano e Eusebio de Cesarea), ou Mempses (versión armenia de Eusebio).
Na Lista Real de Abidos figura como Semsu. O Canon Real de Turín chámao Semsem e dá 72 anos.
Manetón comentou que era fillo do anterior rei e que durante o seu reinado ocorreron numerosos prodixios e unha gran calamidade (epidemia) caeu sobre Exipto. Puido ser un fillo de raíña Betrest, esposa de Anedjib, e de pai descoñecido.
O seu sucesor, Qaa, considerouno usurpador do trono, pois ordenou borrar as súas inscricións.
Testemuños da súa época[editar | editar a fonte]
- O lugar da súa sepultura é a tumba U, na necrópole de Umm el-Qaab, en Abidos.
- Inscricións incisas en tarros, e unha cunca de Helwan (Saad).
- Inscrición incisa na tumba U de Abidos, UC 36756 (Museo Petrie).
- Inscrición de selos reais no cemiterio de Umm el-Qaab (Dreyer 1985-95).
Predecesor: Anedjib |
Faraón Primeira Dinastía |
Sucesor: Qaa |