Río Sella
| Río Sella | |
|---|---|
 Ría de Ribasella, na desembocadura do río Sella | |
| País | España |
| Nacemento | Sajambre (León) |
| Lonxitude | 56 km |
| Caudal medio | 42,79 m³/s |
| Desembocadura | Mar Cantábrico |
O Sella (Salia) é un río asturiano que desemboca no mar Cantábrico formando a ría de Ribadesella.
Nace nos Picos de Europa, na fonte do inferno, en Sajambre (León). Pasa por Cangas de Onís e desemboca no mar en Ribadesella (Asturias). Ten unha lonxitude de 56 Km. e unha conca de 1246 km². Percorre a cordilleira de Cuera, os picos de Europa, o cordal de Ponga e o Sueve.
Os seus principais afluentes son os ríos Ponga e Piloña, pola esquerda, e o Dobra e o Güeña pola dereita.
Todos os anos celébrase no mes de agosto o chamado Descenso Internacional do Sella, partindo desde Arriondas até o mar e que consiste nunha proba piragüista con milleiros de espectadores que remata baixo a ponte do Ribadesella despois de percorrer unha distancia de 19 quilómetros.
