Río Krka, Eslovenia
| Krka | |
|---|---|
 O río esloveno Krka | |
| País | Eslovenia |
| Nacemento | Krka |
| Lonxitude | 93,12 km |
| Conca | 2.284 km² |
| Desembocadura | Río Sava |
O Krka é un río de Eslovenia, afluente do Sava, que flúe principalmente pola rexión da Baixa Carniola (Dolenjska en esloveno). Con 93 km de curso é un dos símbolos desa rexión.
Percorrido[editar | editar a fonte]
A lonxitude do río é de algo máis de 93 km}}. O seu curso comeza en Gradiček, a 312 m de altura, preto da aldea de Krka, a uns 10 km de Ivančna Gorica e a uns 25 km ao sueste da capital do país, Ljubljana. As súas augas móvense en dirección sueste, antes de xuntarse co gran río Sava, afluente do Danubio, á altura da cidade de Brežice, a 114 m de altitude, preto da fronteira con Croacia. Novo Mesto é a cidade máis importante situada nas súas beiras.
Afluentes[editar | editar a fonte]
Os seus afluentes principais son os regos Klamfer, Težka voda e Lešnica.
Contorna ambiental[editar | editar a fonte]
É o único río esloveno no que se produce toba. A fauna do río é rica, con presenza de numerosas aves, peixes, anfibios mesmo animais cavernícolas, propios das zonas cársticas das beiras. Estas características levaron a declarar o Krka zona protexida desde 1969.
