Rosa Valdeón

Rosa María Valdeón Santiago

Biografía
Nacemento	1960 (63/64 anos) Toro, España
Cargos
Alcaldesa de Zamora
Período	16 de xuño de 2007 –
Antecesor	Antonio Vázquez Jiménez
Sucesor	No cargo
Datos persoais
País de nacionalidade	España
Educación	Universidade de Salamanca
Actividade
Lugar de traballo	Zamora
Ocupación	Médica
Partido político	Partido Popular
Lingua	Lingua castelá
Lista Procuradora nas Cortes de Castela e León 16 de xuño de 2015 – 3 de novembro de 2017 Lexislatura: 9th Cortes of Castile and León (en) Circunscrición electoral: Zamora (en) Electo en: Castile and León parliamentary election, 2015 (en) Procuradora nas Cortes de Castela e León 17 de xuño de 2003 – 18 de xuño de 2007 Lexislatura: 6th Cortes of Castile and León (en) Circunscrición electoral: Salamanca (en) Electo en: 2003 Castilian-Leonese regional election (en) Alcaldesa de Zamora

Rosa María Valdeón Santiago, nada en Toro o 17 de decembro de 1960, é unha política española do Partido Popular. É licenciada en Medicina pola Universidade de Salamanca. En 2007 foi elixida alcaldesa de Zamora.

Traxectoria

Cursou estudos de bacharelato no Instituto Cardenal Pardo Tavera, na súa vila natal. Máis tarde licenciouse en Medicina e Cirurxía na Universidade de Salamanca, o que fixo que a maior parte da súa carreira profesional se desenvolvese no sector sanitario:

• Inspectora Médica da Seguridade Social.
• Xefa da Área de Inspección do INSALUD en Zamora.
• Especializada en Recursos Humanos e Planificación Sanitaria.
• Directora do hospital Los Montalvos de Salamanca (1997).
• Cooperante en proxectos da ONG Médicos do Mundo, nos campos de refuxiados saharauís de Tindouf (Alxeria).

Actividade política

En canto á súa vida política, como profesional sanitario exerceu de médica e inspectora médica e foi incorporada ao traballo político polo actual (2013) conselleiro da Presidencia da Xunta de Castela-León, José Antonio de Santiago-Juárez, en atención ás súas capacidades profesionais. Ocupou nun principio un alto cargo na Consellaría de Sanidade para máis tarde entrar na política autonómica como Conselleira de Familia e Igualdade de Oportunidades.

No 2007, o presidente da Xunta de Castela e León, e do PP rexional, Juan Vicente Herrera, decidiu que fose ela quen ocupase a candidatura á alcaldía de Zamora. A súa vida política polo tanto, segue as seguintes etapas:

• Do 2001 ao 2003 ocupou o cargo de directora xeral de Saúde Pública na Xunta de Castela e León, para seguidamente ocupar praza de procuradora das Cortes de Castela e León no período 2003-2007 e, paralelamente, tomar posesión como conselleira de Familia e Igualdade de Oportunidades na mesma institución rexional, un dos departamentos con maior dotación orzamentaria da Xunta de Castela e León.
• No 2007 abandonou o seu cargo no executivo autonómico para converterse na candidata do PP á Alcaldía de Zamora, posto que logrou a pesar de perder a maioría absoluta da súa formación. É a primeira muller que desempeña dito cargo na cidade de Zamora.

Por outra parte, durante o seu goberno municipal ocupa os seguintes postos e cargos no Partido Popular:

• Membro da Xunta Directiva Nacional do Partido Popular.
• Membro do comité redactor do programa electoral do Partido Popular para as eleccións xerais do 2008.
• Vicesecretaria rexional do partido desde o último Congreso Rexional do 2008.