Radio (óso)
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde outubro de 2015.) |
Para outras páxinas con títulos homónimos véxase: Radio.
| Radio | ||
|---|---|---|
 | ||
| Extremidade superior | ||
 | ||
| O radio é o número1 |
O radio é o óso externo do antebrazo. Trátase dun óso longo. O radio humano ten a seguinte estrutura:
Estrutura[editar | editar a fonte]
- Epífise superior: contén unha cúpula, un pescozo e unha tuberosidade. A cúpula artéllase co cóndilo umeral, o pescozo está rodeado polo ligamento anular (que provén do cúbito) e na tuberosidade insírese o bíceps braquial.
- Diáfise: presenta tres superficies e tres bordos:
- Superficie anterior: insírese o flexor longo do primeiro dedo. Por debaixo atópase o burato nutricio do óso e no terzo inferior o músculo pronador cadrado.
- Superficie posterior: insírense o abdutor e extensor longos do primeiro dedo. Na parte máis externa áchanse as febras de inserción do músculo supinador curto.
- Superficie externa: insírense o músculo supinador curto e o músculo pronador redondo.
- Bordo interno: insírese a membrana interósea.
- Bordo anteroexterno e anterointerno.
- Epífise inferior: é dunha superficie moito maior ca da epífise superior. Presenta seis superficies:
- Superficie superior: continúase co resto do óso.
- Superficie inferior: artéllase co escafoide e co semilunar. Entre as dúas superficies articulares hai un relevo: crista radioescafolunar.
- Superficie anterior: insírese o pronador cadrado.
- Superficie posterior: consta de dúas zonas de paso:
- Posterior: pasan o extensor propio do índice, extensor común dos dedos e extensor longo do polgar.
- Posteroexterna: pasan os tendóns dos primeiro e segundo radiais externos, músculo abdutor longo do polgar e músculo extensor curto do polgar.
- Superficie interna: artéllase co cúbito.
- Superficie externa: continúase coa apófise estiloide, na que se insire o supinador longo.
Articulacións[editar | editar a fonte]
Artigo principal: Cóbado Artigo principal: Articulacións radiocubitais
Funcións[editar | editar a fonte]
- Sostén
- Pronación e supinación, grazas aos músculos: supinador longo, curto, bíceps braquial, pronador redondo e pronador cadrado.
