Pokémon

Na Galipedia, a Wikipedia en galego.
Para outras páxinas con títulos homónimos véxase: Pokémon (homónimos).
Pokémon, Anime
{{{caption}}}
ポケットモンスター
Poketto Monsutā
(Pocket Monsters)
Anime Pokémon
Dirixido por Masamitsu Hidaka (1997-2006)
Norihiko Sudo (2006-presente)
Estudio {{{estudio}}}
Canle televisiva Japan TV Tokyo
Kids WB, Cartoon Network
Chile Paraguai

Cartoon Network Latinoamérica
Canal 5
Gamavisión, Ecuavisa, Teleamazonas
Panamericana Televisión, Frecuencia Latina
Televen
Chile Chilevisión, Mega, etc...TV
Inglaterra Cartoon Network
España Telecinco, Jetix, Canal 2 Andalucía
Italia Italia 1
Caracol TV, Canal Capital, CityTV (exclusivamente Bogotá)

Primeira emisión 1 de abril de 1997
Última emisión -
Núm. de capítulos 610
Un avión Boeing 747 xaponés decorado con debuxos de Pokémon.

Pokémon (ポケットモンスター Poketto Monsutā?, Pocket Monsters, literalmente "monstros de peto" en galego) é unha franquía multimillonaria, que orixinalmente comezou coma un videoxogo, mais debido á súa popularidade logrou expandirse a outros medios de entretemento coma series de televisión, xogos de cartas, roupa, entre outros, converténdose nunha marca que é recoñecida no mercado mundial. As vendas de videoxogos até o 1 de decembro de 2006, acadaran unha cantidade de 175 millóns de exemplares (incluíndo a venda da versión Pikachu da consola Nintendo 64), atinxindo ocupar o segundo lugar das sagas de videoxogos máis vendidos de Nintendo. A franquía celebrou o seu décimo aniversario o 27 de febreiro de 2006.

A serie de videoxogos foi desenvolvida pola compañía programadora de software xaponesa Game Freak, con personaxes creados por Satoshi Tajiri para a empresa de xoguetes Creatures Inc., e á súa vez para Nintendo. A misión nestes xogos é aprehender e adestrar aos pokémon (personaxes cuxa denominación dá nome ao xogo), que até a data acadan o número de 718. A posibilidade de os intercambiar fíxolle conseguir unha popularidade que se reflectiu nun éxito de vendas e a conseguinte aparición dunha serie animada, filmes e diverso merchandising coma peluches, xoguetes e cartas.

A produción dos videoxogos, a serie de anime e demais material para a súa distribución en occidente foi realizada nos Estados Unidos por 4Kids Entertainment até novembro de 2005, momento no que decidiu non renovar o seu contrato con Pokémon USA (unha subsidiaria de Pokémon Company). Actualmente esta supervisa todo o referente ao material de Pokémon na súa distribución en occidente.

Videoxogo[editar | editar a fonte]

Os videoxogos de Pokémon limitábanse nun principio ao xénero RPG. Após comprobaren o éxito da saga, espalláronse en moitos outros xéneros.

Anime[editar | editar a fonte]

As series e filmes de Pokémon, forman un anime metaserial que se basea na saga de videoxogos (agás Pokémon Amarelo). A serie segue as aventuras de Ash Ketchum (Satoshi na versión orixinal), quen desexa converterse nun Mestre Pokémon e que na compaña dos seus amigos viaxa ao redor do mundo ficticio de Pokémon. A versión orixinal da serie chámase Pocket Monsters, ou simplemente Pokémon nos países occidentais (a miúdo chamado Pokémon: Gotta Catch 'Em All para o distinguir das demais tempadas) Ash inicia o seu primeiro día de adestrador Pokémon co seu primeiro (e propio) pokémon, chamado Pikachu, a diferenza dos videoxogos onde o adestrador pode escoller a un Bulbasaur, Charmander, ou Squirtle.

A serie de anime foi estreada no Xapón o 1 de abril de 1997 na canle TV Tokyo e foi adaptada á cultura occidental por 4Kids Entertainment deica novembro do 2005. Actualmente Pokémon USA encárgase da produción e distribución da serie de anime en occidente.

Filme[editar | editar a fonte]

Durante cada tempada da serie, preséntase un Filme Pokémon (劇場版ポケットモンスター Gekijōban Poketto Monsutā?, Pocket Monsters the Movie), protagonizado polos personaxes principais da serie. Até mediados do 2008, hai once filmes e un especial para a televisión (emitido fóra do Xapón e titulado "Mewtwo Returns"). Na trama de cada filme, hai un encontro cun pokémon lendario. As películas tamén empréganse para promoveren o novo Pokémon que se supón que vai aparecer nas novas versións do xogo.

Dende o primeiro filme até o sétimo, están precedidos por unha pequena curta denominada “The Pikachu Movie” (O Filme de Pikachu).

Pokémon Trading Card Game[editar | editar a fonte]

Pokémon Trading Card Game é un xogo de cartas coleccionábeis baseado na serie de anime e videoxogos. Os xogadores empregan estrataxemas e usan as fortalezas e os puntos febles das súas cartas para derrotaren ao seu opoñente por knock out. O xogo foi lanzado por primeira vez na Norteamérica por Wizards Of The Coast en 1999. Porén, co lanzamento de Pokémon Rubí e Zafiro para Game Boy Advance, Wizards Of The Coast perdeu a licenza para publicar o xogo e Nintendo e Pokémon USA decidiron producir o xogo pola súa conta.

Manga[editar | editar a fonte]

O manga de Pokémon é un conxunto de historias, algunhas das cales están baseadas nos videoxogos, a serie de anime e os seus filmes.

O manga está publicado unicamente no Xapón por Shogakukan, Estados Unidos por Viz Media e en Singapur e a China por Chuang Yi.

Especie[editar | editar a fonte]

Artigo principal: Lista de pokémons.

Os pokémon son unha clase de criaturas baseadas en moitos casos en animais reais ou criaturas míticas e mitolóxicas orientais. Outros inspíranse en cousas inanimadas e lendarias. Son capturados cun aditamento especial chamado Poké Ball (pokebola). Existe unha cantidade aproximada de 718 pokémons; algúns deles son Pikachu, Mew, Raichu etc.

Véxase tamén[editar | editar a fonte]

Ligazóns externas[editar | editar a fonte]

En xaponés

En inglés

En castelán

En portugués

Traído desde «https://gl.wikipedia.org/w/index.php?title=Pokémon&oldid=6711315»