Pervyi Kanal

Pierviy Kanal
Inicio das emisións	22 de marzo de 1951
Formato da imaxe	576i
Datos de audiencia	15,4% (agosto de 2010, TNS Russia)
País	Rusia
Lingua	Ruso
Área de emisión	Rusia; Ucraína; Belarús; Estonia; Letonia; Lituania; Casaquistán; Unión Europea; África; Israel; América do Norte
Sede central	Moscova
Nome(s) anterior(es)	1951-1991: USSR Central TV Program 1; 1991-1995: Ostankino Channel 1; 1995-2002: Public Russian Television
Na rede
	http://www.1tv.ru

Pervyi Kanal (en cirílico Первый канал, en galego Primeira Canle, 1TV ou Canle 1 Rusia) é a primeira cadea de televisión da Rusia. É unha cadea de titularidade pública e pertence ao Estado, porén ten accionario privado e funciona coma unha cadea xeralista. Desde o ano 1993 pertence á Unión Europea de Radiodifusión. A súa sede está na Torre Ostankino de Moscova.

Historia[editar | editar a fonte]

Cando a Unión Soviética desapareceu no ano 1991, a Federación Rusa asumiu a maior parte das súas estruturas e institucións. Un dos primeiros actos do novo goberno de Boris Eltsin foi a sinatura dun decreto presidencial o 27 de decembro de 1991, que prevé a competencia de Rusia sobre o sistema de televisión central. A cadea sufriu unha forte crise económica durante varios anos e mediante un decreto presidencial do 30 de novembro de 1994 foi transformada en sociedade anónima.

No ano 1995 naceu a Televisión Pública Rusa (en ruso Общероссийский телевизионный канал), denominación que mantivo ata o ano 2002. A nova cadea mantivo programas da televisión soviética que eran populares entre a poboación e introduciu outros novos. O primeiro director da cadea foi o periodista Vladislav Listyev. A privatización parcial realizouse debido a delicada situación económica da cadea.

Tras o colapso financeiro de 1998, a cadea recibiu un préstamo por parte do Goberno duns 100 millóns de dólares.^[1]

A partir do ano 2000 a cadea cambio o seu nome polo actual Pierviy Kanal.

No ano 2009 foi a encargada da organización do Festival de Eurovisión celebrado en Moscova trala vitoria o ano anterior en Belgrado (Serbia) do cantante Dima Bilan, sendo esta a primeira vez que Rusia gañaba o dito certame musical.