Paranthropus boisei

Paranthropus boisei Rango fósil: Plistoceno
Reconstrución de Paranthropus boisei Caveira
Estado de conservación
Extinto (fósil)
Clasificación científica
Reino: Animalia Filo: Chordata Clase: Mammalia Orde: Primates Familia: Hominidae Xénero: Paranthropus Especie: P. boisei
Nome binomial
†Paranthropus boisei' (Mary Leakey, 1959)
Sinónimos
Australopithecus boisei (Dart, 1938) Zinjanthropus boisei (Louis Leakey, 1959)

O Paranthropus boisei (anteriormente tamén coñecido como Australopithecus boisei) foi unha especie homínida que habitou en África oriental entre hai 2,3 e 1,2 millóns de anos.

Os primeiro fósil, un cranio coñecido como OH5, descubriuno Mary Leakey na garganta de Olduvai en 1959 e Louis Leakey deulle o nome de Zinjanthropus boisei.

A colección de fósiles máis ampla recolleuse arredor do Lago Turkana polo equipo de Richard Leakey, destacando KNR ER 406, un cranio dun individuo masculino e adulto. O fósil KGA 10-525 procedente do sitio peleontolóxico de Konso (Etiopía) atopado en 1993 constitúe o único cranio con mandíbula que se atopou desta especie, pero ademais polo medio no que foi atopado dedúcese que o hábitat era de sabana.

Características

O seu cerebro tiña unha capacidade de 530 cc, a altura media era de 1,4 m, cun peso de entre 40 e 80 kg. Tiña grandes premolares e era unha especie especializada, cunha alimentación baseada en vexetais duros, de baixo valor nutritivo. A especie tiña un marcado dimorfismo sexual. Era semellante ao Paranthropus robustus, pero máis robusto e corpulento ca el.