Organización Sionista Mundial

A Organización Sionista Mundial (en hebreo: ההסתדרות הציונית העולמית) foi creada o 3 de setembro de 1897 durante o primeiro Congreso Sionista Mundial que tivo lugar en Basilea (Suíza). Esta organización, que se denominou inicialmente Organización Sionista, serviu como paraugas organizativo para o movemento sionista. En 1960 a organización adoptou o nome de «Organización Sionista Mundial». A sede da organización atópase en Xerusalén.

Theodor Herzl, pai do sionismo e organizador daquel congreso de Basilea, escribiu máis tarde: "En Basilea eu fundei o Estado xudeu... quizais en cinco anos, ou quizais en cincuenta, todo o mundo o verá". Cando cincuenta e un anos despois, o 14 de maio de 1948, declarouse o Estado de Israel, unha gran parte das novas institucións administrativas estaban xa postas en marcha, grazas aos congresos que tiveran lugar de forma regular nas décadas anteriores.

Presidentes da Organización Sionista Mundial

• Theodor Herzl : (1897 - 1904)
• David Wolfsohn : (1905 - 1911)
• Otto Warburg : (1911 - 1921)
• Chaim Weizmann (primeira vez) : (1921 - 1931)
• Nahum Sokolow : (1931 - 1935)
• Chaim Weizmann (segunda vez) : (1935 - 1946)
• David Ben-Gurión (interino) : (1946 - 1956)
• Nahum Goldmann : (1956 - 1968)

Presidentes do Executivo da Organización Sionista Mundial ( e da Axencia Xudía)

• Ehud Avriel : (1968 - 1972)
• Louis Arie Pincus : (1968 - outubro de 1973)
• Arie Leon Dulzin (1º vez)  : (outubro de 1973 - 1975)
• Pinhas Sapir : (1975 - 12 de agosto de 1975)
• Arie Leon Dulzin (2º vez ) (a cargo) : (12 de agosto de 1975 - 6 de xaneiro de 1976)
• Joseph Almogi : (6 de xaneiro de 1976 - 1978)
• Arie Leon Dulzin (3º vez ) : (1978 - decembro de 1987)
• Simcha Dinitz : (decembro de 1987 - 14 de febreiro de 1994)
• Yehiel Leket (a cargo) : (febreiro de 1994 - febreiro de 1995)
• Avraham Burg : (febreiro de 1995 - febreiro de 1999)
• Sallai Meridor : (25 de febreiro de 1999 - 2005 )
• Zeev Bielski: (2005 - )