Misandria

Na Galipedia, a Wikipedia en galego.

A misandria[1] é un sentimento sexista de aversión polos homes en xeral ou a doutrina que defende a inferioridade dos homes en relación ás mulleres. Non se debe confundir coa androfobia que é unha fobia caracterizada polo medo aos homes.

Pensadoras misandrias[editar | editar a fonte]

  • Céline Renooz: Publicou en 1897 Psychologie comparée de l'homme et de la femme, onde afirma a superioridade natural e social da muller ao considerar que o principio feminino como espiritual mentres que o masculino é sensual. Durante a primeira guerra mundial creou Action des femmes que reivindicaba a primacia do dereito maternal nos nenos, a creación dunha cámara segunda parlamentaria exclusivamente feminina e dun Tribunal Supermo das Nais. Pódese considerar a inauguradora do separatismo de sexos.
  • Madeleine Pelletier: Publicou en 1933 a súa autobiografía novelada, La Femme vierge, maniféstase en contra do matrimonio, contra da unión libre e a favor dunha virxindade militante ao considerar a sexualidade unha obsesión masculina.
  • Valerie Solanas: Publicou en 1967 o Manifesto SCUM[2] (de Society for Cutting Up Men, "Sociedade para cortar/criticar os homes", que fai un elaborado xogo de palabras con scum, que significa tanto "seme" como "escoria, inmundicia") no cal preconiza unha revolución para crear unha sociedade sen homes, considerados os responsables de todos os males da humanidade.
  • Aline d'Arbrant: Publicou en 1997 La Gynarchie no cal pon as bases dunha sociedade feminina onde os homes serían educados ao servizo do sexo feminino, superior a eles.

Notas[editar | editar a fonte]

  1. "Misandria". Digalego. Consultado o 14 de agosto de 2019. 
  2. "O MANIFESTO SCUM DE VALERIE SOLANAS, EN GALEGO. “Pola abolición do diñeiro e a destrución do sexo masculino”". Sermos Galiza. 13 de agosto de 2019. Arquivado dende o orixinal o 14 de agosto de 2019. Consultado o 14 de agosto de 2019. 

Véxase tamén[editar | editar a fonte]

Outros artigos[editar | editar a fonte]