Miguel IV

Miguel IV

Nome orixinal	(el) Μιχαήλ Δ΄ Παφλαγών
Biografía
Nacemento	1010 Paflagonia
Morte	10 de decembro de 1041 (30/31 anos) Constantinopla
Lugar de sepultura	Constantinopla
Emperador bizantino
11 de abril de 1034 – 10 de decembro de 1041 ← Romano III – Miguel V, Zoe Porfiroxénita →
Datos persoais
País de nacionalidade	Imperio Bizantino
Actividade
Ocupación	Emperador
Familia
Familia	Dinastia macedônica (pt)
Cónxuxe	Zoe Porfiroxénita
Irmáns	João, o Eunuco (pt) , Constantí el Paflagoni (en) e George (en)

Miguel IV, "o Paflagonio", nado en 1010 e finado o 10 de decembro de 1041, (en grego Μιχαήλ Παφλαγών, que significa "da provincia de Paflagonia"), foi un emperador bizantino do 11 de abril de 1034 ao 10 de decembro de 1041.

Traxectoria

Debeu a súa elevación á emperatriz Zoe, filla de Constantino VIII e muller de Romano III, que namorada de Miguel, que era o seu chambelán, envelenou ao seu marido para casar pouco despois con el, ambos feitos ocorreron en 1034.

Miguel, con todo, que era unha persoa de pouco carácter e sufría ataques epilépticos, deixou o poder en mans do seu irmán, Xoán o Eunuco, que fora primeiro ministro con Constantino e Romano. As reformas de Xoán no exército e o fisco permitiron un certo rexurdir da potencia bizantina, que se mantivo fronte aos ataques inimigos.

Na fronteira oriental, a importante cidade de Edesa foi liberada tras un longo asedio. Os musulmáns occidentais foron practicamente expulsados de Sicilia por Xurxo Maniaces (que levou a cabo alí as súas campañas entre 1037 e 1040), pero unha expedición contra os normandos de Italia sufriu sucesivas derrotas, e trala partida de Maniaces, moitas das súas conquistas en Sicilia perdéronse (1041).

No norte, os serbios tiveron éxito na súa revolta (1040), pero a perigosa rebelión dos búlgaros e outros eslavos balcánicos, que ameazaba as cidades de Tracia e Macedonia, foi reprimida pola triunfante campaña dirixida polo emperador en persoa pouco antes da súa morte.

Bibliografía

• Miguel Psello o Xove, Cronografía (ed. esp.: Miguel Pselo, Vidas de los emperadores de Bizancio, Madrid: Ed. Gredos, 2005).

Imperio Bizantino
Segue a: Romano III	Miguel IV (1034-1041)	Precede a: Miguel V
	Dinastía Macedonia