Lisa Kudrow

Na Galipedia, a Wikipedia en galego.
Lisa Kudrow
Nome completoLisa Valerie Kudrow
Nacemento30 de xullo de 1963
LugarEncino
NacionalidadeEstados Unidos de América
Educada enVassar College e William Howard Taft Charter High School
Profesiónactriz de televisión, actriz de cinema, actriz, actriz de dobraxe, actor de xénero, produtora, produtora de televisión e guionista
Na rede
IMDB: nm0001435 Allocine: 20587 Rottentomatoes: celebrity/lisa_kudrow Allmovie: p39535 TCM: 106047 Metacritic: person/lisa-kudrow TV.com: people/lisa-kudrow
Facebook: LisaKudrow Twitter: LisaKudrow Instagram: lisakudrow Musicbrainz: a855243f-9c38-485b-bec7-81b43f6d4aa4 Songkick: 1909418 Discogs: 992020 WikiTree: Kudrow-1 Editar o valor em Wikidata
editar datos en Wikidata ]

Lisa Marie Diane Kudrow, nada no barrio de Encino, nos Ánxeles (California) o 30 de xullo de 1963, é unha actriz estadounidense gañadora dun premio Emmy, e coñecida principalmente por interpretar a Phoebe na comedia de situación Friends.

Traxectoria[editar | editar a fonte]

Primeiros anos[editar | editar a fonte]

Kudrow naceu en Encino, California. É a filla máis nova dun matrimonio xudeu formado por Lee (médico) e Nedra Kudrow (axente de viaxes), e ten unha irmá (Helena Sherman) e dous irmáns (David e Derrick). Asistiu ao instituto de secundaria Portola en Tarzana (California) e graduouse no Vassar College na especialidade de Bioloxía. Fala fluidamente o idioma francés.

Carreira[editar | editar a fonte]

Iniciou a súa carreira como comediante sendo membro de The Groundlings. Presentouse á audición para o programa Saturday Night Live en 1990, pero o programa elixiu a Julia Sweney. Foi contratada para o papel de Roz na serie de televisión Frasier, pero foi despedida durante a filmación do episodio piloto. O seu primeiro papel importante na televisión foi o de Ursula Buffay, a excéntrica camareira da serie Mad About Your. Esta interpretación levouna ao seu papel protagonista en Friends, como a irmá xemelga de Ursula, Phoebe Buffay, un papel polo que gañou un Premio Emmy en 1998 na categoría de Mellor Actriz secundaria nunha Serie de Comedia. Do elenco da serie, ela foi a protagonista que máis candidaturas conseguiu nestes premios (6). Ela e Jennifer Aniston foron as únicas que gañaron este premio.

Participou en filmes como: Romy and Michele's Higs School Reunion, The Opposite of Sex, Colgadas do teléfono, Marci X, Unha terapia perigosa e a súa secuela Outra terapia perigosa. Tamén protagonizou o filme biográfico Wonderland, película que relata a vida da estrela porno John Holmes.

Kudrow personificou a Valerie Cherish, a personaxe principal na serie orixinal da HBO, The Comeback. A serie estreouse na HBO o 5 de xuño de 2005. Ademais foi co-creadora, escritora e produtora executiva da serie. O show non foi renovado para outra tempada.

No ano 2007 co-protagonizou o filme P.S., I Love You, xunto con Hilary Swank e Gina Gershon. Ese mesmo ano protagonizou a comedia ácida, Kabluey dirixida por Scott Prendergast, unha película independente, que recibiu moi boas críticas, sobre todo para Kudrow. Varios críticos coincidiron que con esta película, demostra unha vez máis que é a mellor intérprete dos ex Friends. En 2008 participou na película Hotel for Dogs.

En 2010 rodou unha serie de quince episodios que para a Internet, chamada Web Therapy, onde interpreta a Fiona, unha psicóloga que pasa consulta a través de Internet. Ademais da protagonista, é tamén produtora e guionista da serie.

Vida persoal[editar | editar a fonte]

Dende 1995, Kudrow está casada co publicista francés Michel Stern, a quen coñeceu cando este visitaba a rodaxe de Friends. Teñen un fillo, Julian Murray, nado o 7 de maio de 1998.

Premios e candidaturas[editar | editar a fonte]

Globos de Ouro

  • 1996 - Mellor Actriz secundaria nunha Serie, Miniserie ou Telefilme, Friends - Candidata

Premios Emmy

  • 1995 - Mellor Actriz secundaria nunha Serie de Comedia, Friends - Candidata.
  • 1997 - Mellor Actriz secundaria nunha Serie de Comedia, Friends - Candidata.
  • 1998 - Mellor Actriz secundaria nunha Serie de Comedia, Friends - Gañadora.
  • 1999 - Mellor Actriz secundaria nunha Serie de Comedia, Friends - Candidata.
  • 2000 - Mellor Actriz secundaria nunha Serie de Comedia, Friends - Candidata.
  • 2001 - Mellor Actriz secundaria nunha Serie de Comedia, Friends - Candidata.
  • 2006 - Mellor Actriz Principal nunha Serie de Comedia, The Comeback - Candidata.

Screen Actors Guild Award

  • 1996 - Mellor Interpretación dunha Actriz nunha Serie de Comedia, Friends - Candidata.
  • 1999 - Mellor Interpretación dunha Actriz nunha Serie de Comedia, Friends - Candidata.
  • 1999 - Mellor elenco nunha Serie de Comedia, Friends - Candidata.
  • 2000 - Mellor Interpretación dunha Actriz nunha Serie de Comedia, Friends - Gañadora.
  • 2000 - Mellor elenco nunha Serie de Comedia, Friends - Candidata.
  • 2001 - Mellor elenco nunha Serie de Comedia, Friends - Candidata.
  • 2002 - Mellor elenco nunha Serie de Comedia, Friends - Candidata.
  • 2003 - Mellor elenco nunha Serie de Comedia, Friends - Candidata.
  • 2004 - Mellor Interpretación dunha Actriz nunha Serie de Comedia, Friends - Candidata.
  • 2004 - Mellor elenco nunha Serie de Comedia, Friends - Candidata.

American Comedy Awards

  • 1996 - Actriz secundaria máis divertida nunha Serie de Televisión, Friends - Candidata.
  • 1999 - Actriz secundaria máis divertida nunha Serie de Televisión, Friends - Candidata.
  • 1999 - Actriz invitada máis divertida nunha Serie de Televisión, Mad About You - Candidata.
  • 1999 - Actriz secundaria máis divertida nunha Película, The Opposite of Sex - Candidata.
  • 2000 - Actriz secundaria máis divertida nunha Serie de Televisión, Friends - Gañadora.
  • 2000 - Actriz máis divertida nun Especial de Televisión (Principal ou secundaria), "1999 MTV Movie Awards" - Candidata.
  • 2000 - Actriz secundaria máis divertida nunha Película Unha terapia perigosa - Candidata.
  • 2001 - Actriz secundaria máis divertida nunha Serie de Televisión, Friends - Candidata.

Premios Blockbuster Entertainment

Premios da Asociación de Críticos de Cine de Chicago

Chlotrudis Awards

Premios Gracie Allen

  • 2006 - Mellor Protagonista Feminina nunha Serie de Comedia, The Comeback - Gañadora.

Independent Spirit Awards

Kid's Choice Awards

MTV Movie Awards

Premios del Círculo de Críticos de Cine de Nueva York.

Premios da Sociedade de Críticos de Cine Online.

Satellite Awards

  • 1998 - Mellor Interpretación Feminina nunha Película, Comedia o Musical Romy and Michele’s High School Reunion - Candidata.
  • 2001 - Mellor Interpretación Feminina nunha Serie de Comedia Friends - Gañadora.
  • 2002 - Mellor Interpretación Feminina nunha Serie de Comedia Friends - Candidata.
  • 2006 - Mellor Actriz nunha Serie de Comedia The Comeback - Candidata.
  • 2008 - Mellor Actriz - Comedia Musical Kabluey - Candidata.

Premios TV Guide

Premios Teen Choice

Véxase tamén[editar | editar a fonte]

Ligazóns externas[editar | editar a fonte]