Leeds United F.C.

Na Galipedia, a Wikipedia en galego.
Leeds United
NomeLeeds United Association Football Club
Alcume(s)The Whites
Fundación17 de outubro de 1919 (104 anos)
EstadioElland Road,
Leeds, Inglaterra
Inauguración1904
Capacidade37.890
PresidenteItalia Andrea Radrizzani
Adestrador Marcelo Bielsa
LigaPremier League
2019–20 (Championship)
Na rede
http://www.leedsunited.com/
Facebook: LeedsUnited Twitter: LUFC Instagram: leedsunited Youtube: UCyQcJHDN4uYfPa1DHzKVSnw TikTok: leedsunited Editar o valor em Wikidata
Titular
Alternativo
Terceiro

O Leeds United Association Football Club é un club de fútbol de Inglaterra (Reino Unido), da cidade de Leeds en West Yorkshire. Foi fundado en 1919 e xoga na Premier League.

Historia[editar | editar a fonte]

O Leeds United FC foi fundado en 1904. O seu primeiro nome foi Leeds City FC.

Na tempada 1968-69 consegue o seu primeiro campionato da Football League First Division inglesa. Repetiron na tempada 1973-74.

Na tempada 1974-75, chegou á final da Liga de Campións da UEFA, perdendo nesta contra o Bayern de Múnic por 2 a 0, nun partido disputado en París.

O último grande éxito do Leeds United na primeira división de fútbol inglés remóntase á tempada 1991-92 na que se proclamou campión inglés con 67 puntos, seguido do Sheffield. O equipo estaba integrado por xogadores como Éric Cantona ou Gordon Strachan e o adestrador era Howard Wilkinson.

Pero non foi ata a tempada 2000/2001 cando o Leeds alcanzou o seu máximo esplendor en Europa; nun equipo formado por xogadores como Rio Ferdinand, Jonathan Woodgate, Ian Farte, Robbie Keane, Alan Smith, Mark Viduka ou Harry Kewell e sendo adestrado por David O'Leary. Na primeira rolda da Champions League atopáronse con equipos co AC Milan, FC Barcelona e Besiktas, pasando de rolda xunto cos rossoneri. A segunda fase deparou máis equipos complicados, atopándose con Real Madrid, Lazio e RSC Anderlecht, pasando xunto co equipo español aos cuartos de final onde lle esperaba o Deportivo da Coruña, partido que o Leeds sentenciou cun contundente 3-0 na ida. As semifinais enfrontaron ao Leeds co Valencia CF de Héctor Cuper, que logo dun partido igualado na ida en Elland Road sentenciou na volta cun 3-0 con goles de Juan Sánchez e Gaizka Mendieta apeando ao Leeds de xogar a final da Champions League. Os xogadores do Leeds con motivo deste último partido rapáronse todos o pelo da cabeza para enfrontarse ao rival. As dúas tempadas seguintes seguiron disputando competición europea, aínda que esta vez era a Copa da UEFA onde non conseguiron pasar de oitavos de final ningún dos dous anos.

A tempada 2003/2004 consumouse o descenso do Leeds á Championship logo de dúas malas tempadas nas que o equipo cambiou dúas veces de adestrador (Terry Venables e Peter Reid) e tras unha derrota ante o Bolton a dúas xornadas para o final da tempada que deixaba o descenso practicamente consumado. En 2004 o club tivo que vender o seu estadio e logrou sobrevivir grazas a un consorcio de empresarios locais.

Logo de tres tempadas na Championship, na tempada 2006/2007 e debido a que debía 35 millóns de libras foi posto baixo administración xudicial e coa consecuente retirada de puntos descendido á terceira división do fútbol inglés.

O 8 de maio de 2010, o Leeds United logra o ascenso á Championship tras vencer ao Bristol Rovers en Elland Road.

Uniforme[editar | editar a fonte]

  • Uniforme titular: Camiseta, pantalón e medias brancas.
  • Uniforme alternativo: Camiseta e pantalón amarelos e medias azuis.

Xogadores[editar | editar a fonte]

Cadro actual[editar | editar a fonte]

Actualizado a 20 de agosto de 2020.

Posto País Xogador
1 POR Francia Illan Meslier
2 DEF Inglaterra Luke Ayling
3 DEF Escocia Barry Douglas
4 MED Inglaterra Adam Forshaw
6 DEF Escocia Liam Cooper
7 MED Inglaterra Ian Poveda
9 DIA Inglaterra Patrick Bamford
10 MED Macedonia do Norte Ezgjan Alioski
11 DIA Gales Tyler Roberts
13 POR España Kiko Casilla
15 MED Stuart Dallas
17 MED Portugal Hélder Costa
19 MED España Pablo Hernández
Posto País Xogador
21 DEF Países Baixos Pascal Struijk
22 MED Inglaterra Jack Harrison
23 MED Inglaterra Kalvin Phillips
24 DEF Inglaterra Leif Davis
25 POR Italia Elia Caprile
30 DIA Inglaterra Joe Gelhardt
36 MED Inglaterra Robbie Gotts
43 MED Polonia Mateusz Klich
44 MED Polonia Mateusz Bogusz
46 MED Inglaterra Jamie Shackleton
48 MED Inglaterra Jordan Stevens
49 DEF Inglaterra Oliver Casey

Palmarés[editar | editar a fonte]

Torneos nacionais[editar | editar a fonte]

Torneos internacionais[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]