Joseph Lister

Joseph Lister
	;
Biografía
Nacemento	5 de abril de 1827 ; Upton House, Newham (en)
Morte	10 de febreiro de 1912 (84 anos); Walmer (pt)
Membro do Consello Privado do Reino Unido
	1902 –
Membro da Cámara dos Lords
	8 de febreiro de 1897 – 10 de febreiro de 1912
37º Presidente da Royal Society
	1895 – 1900 ; ← William Thomson – William Huggins →
Datos persoais
País de nacionalidade	Reino Unido de Gran Bretaña e Irlanda
Relixión	Sociedade Relixiosa dos Amigos
Educación	University College de Londres ; Grove House School (en) ; Universidade de Londres ; UCL Medical School (en)
Actividade
Lugar de traballo	Inglaterra
Ocupación	cirurxián , profesor universitario , político
Empregador	King's College de Londres ; Universidade de Edimburgo ; Universidade de Glasgow
Membro de	Academia Nacional de Medicina (França) (pt) (1899–); Academia Naciona de Ciencias dos Estados Unidos (Foreign Associate of the National Academy of Sciences (en) ) (1898–); Academia de Ciencias de Hungría (membro honorário (pt) ) (1893–); Academia das Artes e das Ciencias dos Estados Unidos (membro honorário (pt) ) (1893–); Real Academia das Ciencias de Suecia (1889–); Royal Society of Arts and Sciences in Gothenburg (en) (membro honorário (pt) ) (1882–); Leopoldina (1882–); Hellenic Philological Society of Constantinople (en) (membro honorário (pt) ) (1881–); Faculdade Real de Cirurgiões da Inglaterra (pt) (1880–1888); Royal Academy of Medicine of Belgium (en) (membro honorário (pt) ) (1879–); Royal Society (membro da Royal Society) (1860–); Academia francesa das ciencias
Alumnos	Emil Theodor Kocher
Lingua	Lingua inglesa
Obra
	Obras destacables (1870) A Method of Antiseptic Treatment Applicable to Wounded Soldiers in the Present War (en) ;
Doutorando	William Macewen (en)
Outro
Título	Baron Lister (en) (1897–1912); Baronete (pt) (1883–)
Cónxuxe	Agnes Syme Lister (pt) (1856–valor descoñecido)
Pais	Joseph Jackson Lister (en) e Isabella Harris (en)
Irmáns	Arthur Hugh Lister (en) , Mary Godlee (en) , Isabella Sophia Lister (en) e John Lister (en)
	Premios (1910) doutor honoris causa pola Universidade Nacional Autónoma de México; (decembro de 1902) Gran Cruz da Orde de Dannebrog; (1902) Medalla Copley; (1894) Medalla Albert; (maio de 1890) Prêmio Cameron de Terapêutica da Universidade de Edimburgo (pt) ; (1885) Orde do Mérito das Ciencias e as Artes; (1880) Medalla Real; (1877) Medalha Cothenius (pt) ; (1872) Makdougall Brisbane Prize (en) ; (1863) Croonian Medal and Lecture (pt) ; (7 de xuño de 1860) membro da Royal Society ;
	Sinatura

Joseph Lister, 1º Barón de Lister OM FRS PC, nado en Upton (Essex) o 5 de abril de 1827 e finado en Walmer (Kent) o 10 de febreiro de 1912, coñecido como Sir Joseph Lister, Bt, foi un cirurxián inglés.

Nacido nunha próspera familia cuáquera de Upton, Essex, os seus pais foron Joseph Jackson Lister (un dos pioneiros no uso do microscopio composto) e Isabella Harris.

Traxectoria[editar | editar a fonte]

Joseph Lister entrou na universidade de Londres, unha das poucas universidades que admitían aos cuáqueros naquelas datas. Estudou inicialmente arte, pero aos 25 anos entrou na Universidade Real de Cirurxía.

En marzo de 1867, xa médico-cirurxián, tivo a brillante idea de xuntar a proposta exitosa de Semmelweis cos recentemente adquiridos coñecementos de Louis Pasteur. Até os estudos de Lister sobre os antisépticos a maioría da xente cría na teoría das miasmas, que se encontrarían no aire, como as responsábeis das infeccións.

Joseph Lister decatouse de que a putrefacción das feridas cirúrxicas causaba unha alta mortalidade nos hospitais. Coñecedor dos traballos de Louis Pasteur sobre que a fermentación e a putrefacción podían ocorrer en condicións anaeróbicas se había alí microorganismos, para evitar infeccións experimentou co terceiro método de loita contra es infeccións proposto por Pasteur, que era o método químico.

Mentres traballaba no Glasgow Royal Infirmary, desenvolveu mediante a utilización da calor a práctica cirúrxica da asepsia, e tamén a da antisepsia, mellorando notabelmente a situación postoperatoria dos pacientes. Introduciu con éxito o ácido carbólico (actualmente denominado fenol) para esterilizar os instrumentos cirúrxicos, limpar as feridas e lavar as mans dos cirurxiáns.

Lister publicou en The Lancet un artigo no que propoñía a orixe bacteriana da infección nas feridas e métodos para loitar contra ela, especialmente o uso do fenol. O efecto foi espectacular; os procedementos cirúrxicos que antes eran case unha sentenza de morte por infección, convertéronse en rutina.

En 1870 os métodos antisépticos ideados por Lister usáronse amplamente na guerra franco-prusiana salvando a vida de miles de soldados prusianos. En 1878, Robert Koch, o descubridor do bacilo da tuberculose, demostraría a utilidade de expandir o uso das medidas de hixiene e esterilización na roupa e no instrumental cirúrxico.

A contribución de Lister á cirurxía foi ampla e variada. Outro dos maiores avances na historia da cirurxía foi a invención do catgut, un éxito eclipsado polas outras achegas maiores. Joseph Lister foi o descubridor e o primeiro en utilizar o catgut como fío de sutura. Tratábase de filamentos feitos con láminas da membrana da serosa intestinal do gato. A súa vantaxe era que, ao seren proteicos, eran dixeridos polo organismo e reabsorbidos. A primeira vez que os utilizou foi nunha mastectomía que realizou en Edimbugo a unha irmá súa.

Grazas ao descubrimento dos antisépticos, Lister contribuíu a reducir en gran medida o número de mortes por infeccións contraídas no quirófano despois de que os pacientes foran sometidos a intervencións cirúrxicas.

Faleceu aos 85 anos.

Honras[editar | editar a fonte]

Lister foi membro da Royal Society e o seu presidente entre 1895 e 1900. Despois da súa morte, a Memorial Fund instituíu a Medalla Lister, considerada como o máis prestixioso premio para a cirurxía.
En 1883, pola súa contribución á ciencia, foi nomeado cabaleiro.
En 1897 outorgóuselle o título de Barón de Lyme Regis.
En 1899 a British Institution of Preventive Medicine (Institución británica de medicina preventiva), antes denominada Edward Jenner renomeouse e honor a Lister.
En 1902 foi galardoado coa Medalla Copley.
En 1902 Lister foi un dos 12 primeiros da historia en recibir a Orde ao Mérito.
A Expedición Discovery de 1901 – 1904 denominou Mount Lister (Monte Lister) ao punto máis alto da Royal Society Range, da Antártida.
En 1940 J. H. H. Pirie denominou Listeria a un xénero de bacterias patóxenas.
En 1965 os correos británicos imprimiron dous selos coa súa imaxe, pola súa contribución á cirurxía antiséptica.
Lister é un dos dous cirurxiáns do Reino Unido que ten un monumento público en Londres (o outro é John Hunter). Tamén hai unha estatua de Lister no Kelvingrove Park de Glasgow, en memoria da súa ligazón coa cidade.
Un edifico do Glasgow Royal Infirmary, coa departamentos de citopatoloxía, microbioloxía e patoloxía leva o seu nome para recoñecer o seu traballo nese hospital.

Véxase tamén[editar | editar a fonte]

Bibliografía[editar | editar a fonte]

Lamont, Ann (1992): "Joseph Lister: father of modern surgery" in Creation 14 (2): 48–51. Pódese ler en liña
Nuland, Sherwin B. (1988): Doctors: The Biography of Medicine. Nova York: Knopf. ISBN 0-679-76009-1

Outros artigos[editar | editar a fonte]

Ligazóns externas[editar | editar a fonte]