Joaquín Mosquera

Na Galipedia, a Wikipedia en galego.
Joaquín Mosquera
Nacemento14 de decembro de 1787
Lugar de nacementoPopayán
Falecemento4 de abril de 1878
Lugar de falecementoPopayán
NacionalidadeColombia
Alma máterUniversidade do Rosario
Ocupaciónpolítico e diplomático
PaiJosé María de Mosquera y Figueroa
IrmánsTomás Cipriano de Mosquera, Manuel María Mosquera y Arboleda e Manuel José Mosquera
editar datos en Wikidata ]

Joaquín Mariano de Mosquera-Figueroa y Arboleda-Salazar, máis coñecido como Joaquín Mosquera, nado en Popayán o 14 de decembro de 1787 e finado na mesma vila o 4 de abril de 1878, foi un xurista, militar, estadista e político colombiano, que ocupou a Presidencia da República entre xuño e setembro de 1830. Tamén exerceu como Vicepresidente de Nova Granada.

Traxectoria[editar | editar a fonte]

Foi o primoxénito do matrimonio de José María Mosquera y Figueroa e María Manuela Arboleda Arrachea. Pertencente a dúas das familias máis influentes e poderosas da súa rexión, outro tres dos seus irmáns destacáronse na vida pública de Colombia: Tomás Cipriano, Manuel María e Manuel José.

Á curta idade de 5 anos, xa sabía ler e ingresara na escola pública. Logo pasou ó Seminario da cidade e de alí á Universidade do Cauca, onde se graduou como avogado en 1805.

Carreira política[editar | editar a fonte]

En 1810 vinculouse á carreira das armas e participou en varias campañas, chegando a ser capitán. Gran Xurista, salientou como un gran dirixente civil na súa cidade durante as loitas de independencia, chegando a ocupar durante a época da Gran Colombia un escano no Congreso e responsabilidades ministeriais.

Presidencia da República[editar | editar a fonte]

Cando en 1830 Simón Bolívar renunciou á Presidencia, Mosquera foi elixido como o seu sucesor polo Congreso da República o 4 de maio, aínda que non puido asumir de inmediato e foi substituído polo seu vicepresidente Domingo Caycedo. Meses despois asumiu o mando, pero foi derrocado polo xeneral bolivariano Rafael Urdaneta ese mesmo ano.

Carreira posterior á Presidencia[editar | editar a fonte]

Entre 1833 e 1835 foi vicepresidente de Nova Granada; despois foi reitor da Universidade do Cauca e, en varias ocasións, profesor deste cadro de persoal.

Ó longo da súa carreira rexeitou o ofrecemento de varios cargos públicos como, por exemplo, a dirección do Crédito Público en Popayán en 1825. Mosquera pertenceu a diversas corporacións científicas e literarias e foi entusiasta da instrución popular. Distinguiuse como orador. Contraeu matrimonio coa súa curmá irmá María Josefa Mosquera Hurtado, con quen tivo cinco fillos: José María, Pedro, Rosa, Mariana e Eusebia. Dende 1858, perdeu a vista e morreu en Popayán en 1878, ós 92 anos de idade.

Véxase tamén[editar | editar a fonte]

Bibliografía[editar | editar a fonte]

  • Arboleda, Gustavo (1962). Diccionario biográfico y genealógico del antiguo Departamento del Cauca. Bogotá: Editorial Guadalupe.
  • Castrillón Arboleda, Diego (1979). El general Tomás Cipriano de Mosquera. Bogotá: Banco de la República.

Outros artigos[editar | editar a fonte]