Heracleonas

Na Galipedia, a Wikipedia en galego.
Infotaula de personaHeracleonas

Editar o valor em Wikidata
Nome orixinal(el) Κωνσταντῖνος Ἡράκλειος Editar o valor em Wikidata
Biografía
Nacemento618 (Gregoriano) Editar o valor em Wikidata
Egrisi (pt) Traducir Editar o valor em Wikidata
Morte641 (Gregoriano) Editar o valor em Wikidata (22/23 anos)
Rodas, Grecia Editar o valor em Wikidata
Emperador bizantino
febreiro de 641 – setembro de 641
← Constantino III HeraclioConstante II → Editar o valor em Wikidata
Datos persoais
País de nacionalidadeImperio Bizantino Editar o valor em Wikidata
Actividade
OcupaciónEmperador Editar o valor em Wikidata
Familia
FamiliaDinastía heracliana Editar o valor em Wikidata
PaisHeraclio Editar o valor em Wikidata  e Martina (pt) Traducir Editar o valor em Wikidata
IrmánsConstantino III Heraclio, Eudóxia Epifânia (pt) Traducir, Davi (pt) Traducir, Augustina (pt) Traducir e Marino (filho de Heráclio) (pt) Traducir Editar o valor em Wikidata

Heracleonas ou Heraclonas (626 - 641?), foi un emperador bizantino de breve reinado a mediados do século VII.

Era fillo do emperador Heraclio, fundador da dinastía Heráclida e da súa segunda esposa Martina. Tiña un medio irmán máis vello, Constantino Heraclio, froito do primeiro matrimonio do seu pai. Por influencia de Martina ambos fillos foron considerados como descendentes da mesma nai e asociados ao trono bizantino en igualdade de condicións por Heraclio.

Heraclonas obtivo o título de Augusto en 638 e foi proclamado coemperador á morte do seu pai, xunto co seu medio irmán máis vello Constantino III Heraclio, que pola súa idade quedou con certa preeminencia. O auténtico nome de Heraclonas era Heraclius (Heraclio) como o seu pai polo que accedeu ao trono como Heraclio II, pero nunca puido desprenderse do seu alcumo Heraclonas, pequeno Heracles, que sería o recordado para a posteridade. Isto debeuse á súa curta idade cando accedeu ao trono, era un adolescente; así como a un certo recordo desprezativo xerado polo seu suposto fratricidio.

A prematura morte de Constantino III en maio de 641, probabelmente por unha tuberculose, deixou a Heraclonas como único soberano do imperio. Pero a sospeita de que el e a súa nai Martina envelenaran a Constantino lastrou o seu reinado, xa que conduciu a unha revolta que terminou co derrocamento do emperador, que xunto coa súa nai foi sometido a un castigo de mutilación. Esta foi a primeira vez que un emperador reinante foi sometido a esta práctica, probabelmente adoptada dos persas. A Martina cortáronlle a lingua e ao seu fillo Heraclonas o nariz. Nada máis se sabe do acaecido con Heraclonas tralo seu derrocamento. Crese que morreu algo máis tarde ese mesmo ano.

Constante II, fillo de Constantino III Heraclio foi proclamado novo emperador poñendo fin ás loitas familiares pola sucesión á morte de Heraclio.

Imperio Bizantino

Segue a:
Constantino III Heraclio
Heracleonas
Precede a:
Constante II
Dinastía dos Heráclidas