Ferzan Özpetek

Ferzan Özpetek
	; (2020)
Biografía
Nacemento	3 de febreiro de 1959 (65 anos); Istambul, Turquía
Datos persoais
País de nacionalidade	Italia ; Turquía
Educación	Academia Nacional de Artes Dramáticas Silvio D'Amico (pt) ; Universidade de Roma La Sapienza
Actividade
Ocupación	director de cinema , xornalista , guionista , director de ópera
Lingua	Lingua italiana
Obra
	Obras destacables (1997) Hamam (en) ; (1999) Harem Suare (en) ; (2001) The Ignorant Fairies (en) ; (2003) La finestra di fronte (pt) ; (2006) Saturno contro; (2010) Mine vaganti; (2017) Napoli velata (en) ;
Familia
Irmáns	Zeynep Aksu (en)
	Premios (2010) Q3870552 , premiado polo traballo Mine vaganti; (2007) Nastro d'Argento for Best Screenplay (en) , premiado polo traballo Saturno contro; (2003) David di Donatello, premiado polo traballo La finestra di fronte (pt) ; (2001) Globo d'oro for best direction (en) , premiado polo traballo The Ignorant Fairies (en) ; (1997) Globo de ouro, premiado polo traballo Hamam (en) ;
Páxina web	ferzanozpetek.com

Ferzan Özpetek, nado en Istambul o 3 de febreiro de 1959, é un director cinematográfico turco que vive e traballa en Italia dende finais dos anos setenta.

Traxectoria[editar | editar a fonte]

Özpetek chegou a Italia como estudante universitario e estudou historia do Cinema na Universidade La Sapienza de Roma. Completou a súa formación frecuentando cursos de historia da Arte e da Moda na Accademia Navona e cursos de dirección na Accademia de Arte Dramática Silvio D'Amico. Conseguiu achegarse ao mundo do cinema e iniciou colaboracións como asistente e auxiliar de dirección de Massimo Troisi, Maurizio Ponzi, Ricky Tognazzi e Francesco Nuti.

O seu debut cinematográfico como director produciuse en 1997 co filme Il bagno turco (Hamam), que conseguiu un grande éxito de crítica e público. En 1999 realizou Harem Suare que, como no seu primeiro filme, fala do seu país natal. Nos seguintes anos gravou Le fate ignoranti e La finestra di fronte, os seus maiores éxitos, que lle proporcionaron moitos premios e recoñecementos.

Coa colaboración de Gianni Romoli e Tilde Corsi, realizou en 2005 Cuore Sacro. En 2007 publicou Saturno Contro, un filme caracterizado por ter un casting moi rico que inclúe actores do talle de Pierfrancesco Favino e Ambra Angiolini, ademais de Margherita Buy e Stefano Accorsi, cos que xa traballara en Le fate ignoranti.

Özpetek formou parte do xurando no Festival de Venecia do 2007 e recentemente rodou un anuncio para a AIRC, Associazione Italiana Ricerca sul Cancro, protagonizado por Isabella Ferrari. En 2008 fixo a adaptación cinematográfica da novela de Melania Gaia Mazzuco Un giorno perfetto.

Özpetek é un director abertamente gay e trata habitualmente a homosexualidade nos seus filmes. Este tema ten especial relevancia en Il bagno turco e Le fate ignoranti.

Filmografía[editar | editar a fonte]

Asistente de director[editar | editar a fonte]

Il tenente dei carabinieri (1986)
Il maestro del terrore (1988, TV)
La Scorta (1993)
Anche i commercialisti hanno un'anima (1994)
Il Branco (1994)

Director[editar | editar a fonte]

Il Bagno Turco (Hamam, 1997)
Harem Suare (1999)
Le Fate Ignoranti (2001)
La Finestra di Fronte (2003)
Cuore Sacro (2005)
Saturno contro (2007)
Un giorno perfetto (2008)
Mine vaganti (2010)

Premios[editar | editar a fonte]

Estes son algúns dos premio obtidos por Ferzan Özpetek polos seus traballos:

Finestra di Fronte^[1]:
- Premio David di Donatello
  - Mellor filme
- Scholars Jury Award
  - Mellor Dirección
- Sindicato Nacional de Xornalistas de Cinema Italiano
  - Mellor historia orixinal (xunto con Gianni Romoli)
- Karlovy Vary International Film Festival
  - Mellor Dirección
  - Crystal Globe para Ferzan Özpetek
- Bangkok International Film Festival
  - Mellor filme
- Foyle Film Festival
  - Mellor filme
- Rehoboth Beach Independent Film Festival, Audience Award
  - Mellor filme
- Seattle International Film Festival
  - Mellor filme
Il Bagno Turco (Hamam)^[2]
- Golden Orange (Antalya International Film Festival)
  - Mellor filme
  - Mellor dirección
- Sindicato Nacional de Xornalistas de Cinema Italiano, Premio Silver Ribon
  - Mellor Produtor
Le Fate Ignoranti ^[3]
- Austin Gay & Lesbian International Film Festival
  - Mellor Filme
- New York Lesbian and Gay Film Festival
  - Mellor Filme

Notas[editar | editar a fonte]

[1] [1]

[2] [2]

[3] [3]

[1]

[2]

[3]