Exercicio físico

1000 12/16
Na Galipedia, a Wikipedia en galego.

O exercicio físico é a acción de pór en movemento activo todo o corpo ou unha parte do mesmo,[1] a actividade física recreativa, que se realiza en momentos de lecer ou de tempo libre, é dicir fora do traballo ou actividade laboral. É unha afección que obtén unha vivencia pracenteira, comunicativa, creativa e social das prácticas corporais.

O exercicio físico implica a realización de movementos corporais planificados e deseñados especificamente para estar en forma física e gozar de boa saúde.[Cómpre referencia]

O termo de exercicio físico inclúe o da ximnasia, o baile, os deportes e a educación física.[Cómpre referencia]

Beneficios do exercicio físico[editar | editar a fonte]

Exercicio físico.

O exercicio físico é un compoñente do estilo de vida que nas súas distintas facetas ximnasia, deporte e a educación física constitúen actividades vitais para a saúde. A prolongación da vida e a terapia contra numerosas enfermidades consisten hoxe día no exercicio físico, o deporte e o exercicio metódico porque educan, disciplinan, desenvolven a vontade e preparan ao ser humano para a produción e a vida.[2]

É universalmente coñecido que o exercicio físico sistemático promove a saúde e contribúe decisivamente á lonxevidade do home. Investigacións[Cómpre clarificar] realizadas en diversos centros especializados e os resultados obtidos demostran que o tempo que se dedica a mellorar a capacidade física constitúe un tempo ben empregado.

Os beneficios fundamentais que o exercicio físico regular ofrece sobre a saúde son:

  1. Incrementa o funcionamento do sistema cardiovascular e respiratorio para mellorar a perfusión tisular e xa que logo a achega de osíxeno e nutrientes aos tecidos.[3]
  2. Opera cambios na mente do home cara a direccións máis positivas independentemente de calquera efecto curativo. Un programa de exercicio adecuado fortalece a psique humana.[Cómpre referencia]
  3. Aumenta a circulación cerebral, o que fai ao individuo máis esperto e alerta, e mellora os procesos do pensamento.
  4. Prolonga o tempo socialmente útil do home así como ao mellorar a súa capacidade física muscular eleva os seus niveis produtivos, polo que retarda os cambios da vellez. Asegura unha maior capacidade de traballo e a ter maior lonxevidade.[Cómpre referencia]

As enfermidades na que se demostrou que o exercicio físico é beneficioso son:[Cómpre referencia]

Tipos de exercicio físico[editar | editar a fonte]

  • Exercicio aeróbico: É aquel exercicio físico baseado no "metabolismo aeróbico" e que ten unha repercusión importante sobre o sistema cardiovascular cando se seguen programas de adestramento sistematizados. O metabolismo aeróbico é un proceso metabólico que require da presenza do osíxeno, a nivel celular, para levar a cabo a produción de enerxía que protexe a actividade física aeróbica e outras funcións aeróbicas. Os exercicios aerobios son de longa duración e de baixa intensidade. Os exercicios de estiramento muscular son un tipo de exercicio físico aeróbico especial.
  • Exercicio anaeróbico: É aquel exercicio físico baseado no "metabolismo anaeróbico", o que se leva a cabo en ausencia de osíxeno, pero que a produción de enerxía e o seu rendemento é menor que no metabolismo aeróbico. Os exercicios anaeróbicos son de curta duración e grande intensidade.

Notas[editar | editar a fonte]

  1. "bUSCatermos; «exercicio físico»". aplicacions.usc.es. Consultado o 2023-02-04. 
  2. Lee, I.-Min; Shiroma, Eric J.; Lobelo, Felipe; Puska, Pekka; Blair, Steven N.; Katzmarzyk, Peter T.; Lancet Physical Activity Series Working Group (2012-07-21). "Effect of physical inactivity on major non-communicable diseases worldwide: an analysis of burden of disease and life expectancy". Lancet (London, England) 380 (9838): 219–229. ISSN 1474-547X. PMC 3645500. PMID 22818936. doi:10.1016/S0140-6736(12)61031-9. 
  3. Stampfer, M., Hu, F., Manson, J., Rimm, E., Willett, W. (2000) "Primary prevention of coronary heart disease in women through diet and lifestyle". The New England Journal of Medicine, 343(1), 16-23.

Véxase tamén[editar | editar a fonte]

Outros artigos[editar | editar a fonte]