Edmond Halley

Edmond Halley
Biografía
Nacemento	8 de novembro de 1656; Haggerston (Reino de Inglaterra)
Morte	14 de xaneiro de 1742 (85 anos); Greenwich, Gran Bretaña
Lugar de sepultura	St Margaret's, Lee (en)
2º Astrónomo Real
	1720 – 1742 ; ← John Flamsteed (pt) – James Bradley →
Datos persoais
País de nacionalidade	Inglés (despois británico)
Relixión	Deísmo
Educación	Universidade de Oxford
Coñecido por	Cometa Halley
Actividade
Campo de traballo	Astronomía, Xeofísica, Matemáticas, Meteoroloxía, Física e Cartografía
Lugar de traballo	Santa Helena (1676–)
Ocupación	matemático , filósofo , cociñeiro , físico , profesor universitario , cartógrafo , astrónomo , meteorólogo , xeofísico , climatólogo
Empregador	Universidade de Oxford; Astrónomo Real
Membro de	Royal Society (1678–)
Profesores	John Flamsteed (pt) e Robert Hooke
Alumnos	James Pound
Lingua	Lingua latina e lingua inglesa
Obra
	Obras destacables A Synopsis of the Astronomy of Comets (en) ;
Familia
Cónxuxe	Mary Tooke
Fillos	Dr. Edmond Halley; Margaret; Richelle
	Premios membro da Royal Society ;

Edmond Halley, nado en Haggerston, Londres, o 8 de novembro de 1656 e finado en Greenwich o 14 de xaneiro de 1742, foi un matemático e astrónomo inglés que, polo seu estudo do Cometa Halley, revelou a natureza periódica dos cometas.

Traxectoria[editar | editar a fonte]

Fillo dun rico fabricante de xabón, xa dende moi novo amosa interese polas matemáticas e a astronomía da man do astrónomo real, John Flamsteed, profesor seu en Oxford. Logo de se graduar viaxa á illa de Santa Helena, coa intención de estudar as estrelas dende o hemisferio sur. En 1678 regresa a Inglaterra e publica Catalogus Stellarum Australium (1679), no que inclúe detalles de 341 estrelas meridionais, e entra na Royal Society.
Un dos seus traballos presentados na Royal Society foi o informe da eclipse total de Sol acontecida o 22 de abril de 1715, que atravesou o centro da Gran Bretaña (Inglaterra e Gales), feito que non acontecía na illa dende había 500 anos, e calculou tamén o diámetro, dirección e velocidade de paso da sombra. Aplicando a teoría da gravidade de Newton calculou a órbita de varios cometas, descubrindo que a órbita do cometa de 1682 era a mesma que as órbitas dos vistos en 1531 e 1607, chegando á conclusión de que se trataba dun único cometa e que volvería pasar en 1758. Na súa honra déuselle o seu nome a este cometa (1P/Halley). Entre 1698 e 1700 percorreu as costas de África austral, ocupado na teoría do magnetismo terrestre no barco Paramour Pink.

Véxase tamén[editar | editar a fonte]

Outros artigos[editar | editar a fonte]

Cometa.