Dermápteros
| Cadelas de frade (Dermaptera) Rango fósil: Triásico tardío-Actual | |||||||||||
|---|---|---|---|---|---|---|---|---|---|---|---|
 Femia da cadela de frade Forficula auricularia | |||||||||||
| Clasificación científica | |||||||||||
| |||||||||||
| Subordes | |||||||||||
| Sinonimia | |||||||||||
| |||||||||||
Os dermápteros (Dermaptera), chamados comunmente cadelas de frade, son unha orde de insectos que se encontran nas Américas, África, Eurasia, Australia e Nova Zelandia. A especie cadela de frade (Forficula auricularia) é relativamente común en Galicia. A orde comprende 2000 especies[1] distribuídas en 12 familias, polo que é unha das ordes máis pequenas dentro dos insectos. As cadelas de frade teñen uns característicos e moi visibles cercos, con forma de fórceps ou pinza, no extremo do seu abdome, e ás membranosas pregadas baixos unhas curtas ás anteriores (élitros), de onde procede o seu nome científico (dermápteros = "ás de pel"[2]). Algúns grupos son parasitos diminutos de mamíferos e carecen das devanditas pinzas típicas. Viven no chan e raramente utilizan a súa capacidade de voar.
Son principalmente nocturnos e a miúdo agóchanse en pequenas gretas húmidas durante o día, pero son moi activos de noite, alimentándose dunha ampla variedade de insectos e plantas. Con frecuencia son culpados de danos nas follas e flores e nas colleitas, especialmente a cadela de frade común Forficula auricularia.
Realizan cinco mudas no ano antes de ser adultas. Moitas especies de dermápteros prestan coidados maternais ás crías, o que é infrecuente nos insectos. As femias de cadelas de frade coidan os seus ovos, e mesmo despois de que dos ovos saen as ninfas seguen coidando a súa descendencia ata que esta fai a súa segunda muda. Cando as ninfas fan a muda, empeza a observarse un dimorfismo sexual, como diferenzas nas pinzas.
Coñécense algunhas especies fósiles clasificadas nas subordes extintas Archidermaptera (do (Triásico tardío) e Eodermaptera (do Xurásico medio). Moitas ordes de insectos consideráronse teoricamente como moi relacionadas cos dermápteros, aínda que os Grylloblattaria son os parentes máis probables.
Notas[editar | editar a fonte]
- ↑ Zhang, Z.-Q. (2011). "Phylum Arthropoda von Siebold, 1848 In: Zhang, Z.-Q. (Ed.) Animal biodiversity: An outline of higher-level classification and survey of taxonomic richness" (PDF). Zootaxa 3148: 99–103.
- ↑ Google books. Introduction to Insects Páxina 73
Véxase tamén[editar | editar a fonte]
Outros artigos[editar | editar a fonte]
- Cadela de frade (Forficula auricularia)
| |||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||
