Colchón
O colchón[1] é unha peza almofadada e flexíbel que se coloca sobre a cama e se emprega para deitar o corpo e durmir. O colchón recheo de la chegou a Europa despois das Cruzadas, cando os europeos adoptaron o costume árabe de durmir sobre coxíns. Antigamente, os colchóns, denominados na época almadraques ou xergóns, constaban dunha funda rechea de materiais orgánicos como palla, la, follas etcétera, que eran o niño ideal para pequenos insectos, polo que cumpría ventilalos e airealos decote. Os xergóns de la foron populares en Europa ata ben entrado o século XX. Adoitaba existir a figura do colchoeiro que se encargaba de construír, airear, encher e restaurar os colchóns de la.
En Galicia eran comúns os almadraques recheos de follato do millo.
Notas[editar | editar a fonte]
- ↑ Pódese empregar tamén almadraque para o colchón feito de follas, herba seca..., pero é unha voz anticuada. Definicións no Dicionario da Real Academia Galega e no Portal das Palabras para almadraque.
