Buzz Feitshans
| Biografía | |
|---|---|
| Nacemento | 17 de xaneiro de 1937  (87 anos)Os Ánxeles, Estados Unidos de América |
| Datos persoais | |
| País de nacionalidade | Estados Unidos de América |
| Educación | Universidade do Sur de California USC Rossier School of Education (en)  |
| Actividade | |
| Ocupación | produtor de cinema , produtor delegado , produtor |
| Familia | |
| Fillos | Buzz Feitshans IV (en) |
| Pais | Fred R. Feitshans Jr. (en) e Lotus Grant (en) |
Premios
| |
 | |
Frederick Rollin Feitshans III, nado o 17 de xaneiro de 1937, é un produtor de cinema estadounidense, máis coñecido como Buzz Feitshans. Salientan as súas colaboracións con John Milius e Carolco Pictures.
Traxectoria[editar | editar a fonte]
En 1973, Feithshans fixo o seu debut como produtor con Dillinger, un filme escrito e dirixido por John Milius. Milius e Feitshans formaron A-Team Productions ese mesmo ano, e produciron Big Wednesday (1978), 1941 (1979) e Hardcore (1979). A-Team Productions disolveuse pero Feitshans continuou a producir os filmes de Milius, como Conan o bárbaro (1982), Uncommon Valor (1983) e Amencer vermello (1984).
Feitshans produciu Acurralado en 1982, así como as súas secuelas. Os filmes foron realizados polos produtores executivos Mario Kassar e Andrew Vajna de Carolco Pictures, cos cales Feitshans traballou frecuentemente. En 1988, converteuse en vicepresidente executivo de produción e membro de Carolco Pictures.
Feitshans uniuse a Cinergi Productions en 1992, facendo de produtor executivo de Medicine Man (1992), Tombstone, a lenda de Wyatt Earp (1993), Renaissance Man (1994), Color of Night (1994), Die Hard with a Vengeance (1995), Xuíz Dredd (1995), The Scarlet Letter (1995), Nixon (1995), Evita (1996), Shadow Conspiracy (1997) e An Alan Smithee Film: Burn Hollywood Burn (1997).
Retirouse do mundo da produción en 1997.[1]
