Budapest Honvéd FC

Budapest Honvéd
Nome	Budapest Honvéd FC
Fundación	1909
Estadio	Bozsik Stadion, Budapest
Capacidade	10.000
Presidente	George F. Hemingway
Adestrador	Sisa Tibor
Liga	Liga Húngara
2021/22	10º
Na rede
http://www.honvedfc.hu
Titular Alternativo

Budapest Honvéd FC é un club polideportivo húngaro con sede en Budapest.

Historia

En 1909 fundouse coma o Kispest AC. Kispest é o barrio de Budapest onde xurdiu o club. En 1926 pasou a se-lo Kispest FC, mais en 1944 volvería ao seu nome orixinal. En 1949 O Ministerio de Defensa fíxose co control do club e converteuse na escuadra do Exército Húngaro. Asismesmo, Kispest comezou a formar parte do Distrito XIX de Budapest así que o club rebautizouse coma o Budapest Honvéd SE. Este nome provén da verba húngara Honvédség, que é o nome do exército do país. honvéd quere dicir literalmente defensor da patria.

Antes de converterse na escuadra do exército, o único título que conseguira o equipo foi unha Copa de Hungría de Fútbol no ano 1926.

Copa de Europa

En 1956 Honvéd participou na Copa de Europa, e tocoulle enfrontarse na primeira rolda co Athletic de Bilbao. Perderon por 3-2 en Bilbao e antes de que puidera xogarse o encontro de volta estoupou a Revolución Húngara de 1956 en Budapest. Os xogadores negáronse a volver a Hungría e conseguiron que a volta se xogara en Bruxelas. De calquera xeito o gardameta do Honvéd mancouse nos primeiros minutos do encontro e o extremo esquerdo Zoltán Czibor tivo que ocupa-lo seu posto. O resultado foi de 3-3, cun total na eliminatoria favorable ós bilbaínos por 6-5.

Xira mundial

A eliminación da Copa de Europa deixou á escuadra no limbo. Os xogadores negábanse a retornar a Hungría e incluso trouxeron ás súas familias dende Budapest. En contra da FIFA e da Federación Húngara de Fútbol organizaron unha xira por Italia, Portugal e España, pola sinxela razón, segundo declararía anos despois o propio Ferenc Puskás, de que non tiñan cartos nin para xantar. Algúns destes encontros foron un empate 5-5 contra un combinado de Madrid e unha vitoria 4-3 contra o FC Barcelona.

Dende México chegou unha oferta de asilo político e unha invitación para que o club se unira á liga nacional. Decidiron rexeitala, mais aceptaron acudir a un torneo no Brasil co CR Flamengo e o Botafogo.

Despois disto a FIFA declarou ilegal o equipo e desautorizounos para emprega-lo nome do Hónved. Á volta a Europa, separáronse. Algúns coma József Bozsik regresarían a Hungría mentres que outros coma Zoltán Czibor, Sándor Kocsis ou Ferenc Puskás marcharían para España. Os dous primeiros para o FC Barcelona e Puskas para o Real Madrid.

En 1991 mudou de novo o seu nome a Kispest Honvéd FC. O seu nome actual adoptárono en 2003.

Títulos

Fútbol

• Liga húngara de fútbol: 13
  • 1949/50, 1950, 1952, 1954, 1955, 1980, 1984, 1985, 1986, 1988, 1989, 1991 1993
• Copa de Hungría de fútbol: 7
  • 1926, 1964, 1985, 1989, 1996, 2007, 2009
• Copa Mitropa: 1
  • 1959
• Trofeo Cidade de Vigo: 1
  • 1974

Balonmán

• Campionato de Europa: 1
  • 1982

Wáter-polo

• Euroliga LEN:1

Xogadores

Nº Posto País Xogador 3 DEF Eke Uzoma 6 MED Dániel Gazdag 7 DEF Bence Batik 8 MED Gergő Holdampf 9 MED Krisztián Vadócz 11 MED Filip Holender 13 DEF Tibor Heffler 14 DEF Nikolasz Kovács 15 DEF Stefan Deák 16 MED Zsolt Pölöskei 17 MED Tomas Pilik 18 POR András Horváth 19 DEL Danilo 20 DEL Dominik Cipf 21 MED Fousseni Bamba

Nº Posto País Xogador 22 MED Milán Májer 23 MED Bence Banó-Szabó 24 MED Đorđe Kamber 25 DEF Ivan Lovrić 26 DEF Dino Škvorc 33 DEF Tonći Kukoč 36 DEF Botond Baráth 55 MED Norbert Szendrei 60 DEF Attila Temesvári 66 POR Attila Berla 77 MED Gergő Nagy 89 DEL David N'Gog 96 DEL Dániel Lukács 98 DEL Bálint Tömösvári 99 POR Dávid Gróf

Xogadores clásicos

• József Bozsik
• Zoltán Czibor
• Gyula Grosics
• Sándor Kocsis
• Ferenc Puskás
• Lajos Tichy
• Lajos Détári
• Béla Illés
• Vasile Miriuţă
• Sándor Torghelle

Véxase tamén

Ligazóns externas

• Páxina web oficial do club