Borreiros, Gondomar

Borreiros
	Borreiros
Concello	Gondomar
Provincia	Pontevedra
Coordenadas	42°06′12″N 8°48′12″O / 42.103236111111, -8.8034388888889Coordenadas: 42°06′12″N 8°48′12″O / 42.103236111111, -8.8034388888889
Poboación	1.254 hab. (2014)
Entidades de poboación	20
	[ editar datos en Wikidata ]

Para outras páxinas con títulos homónimos véxase: Borreiros.

San Martiño de Borreiros é unha parroquia que se localiza no concello pontevedrés de Gondomar na comarca de Vigo. Segundo o IGE, no 2014, tiña 1.254 habitantes (666 mulleres e 588 homes), distribuídos en 20 entidades de poboación,^[2] o que supón un aumento en relación ao ano 1999 cando tiña 1.047 habitantes. O lugar de cabeceira, onde está a igrexa e o centro cultural, é San Martiño. Eclesiasticamente, pertence ao arcipretado de Miñor.^[3]

Historia[editar | editar a fonte]

A primeira referencia escrita data do 1170, onde o rei Fernando II de León doa ó Bispo de Tui a igrexa de San Martiño de Borreyros. Neste documento, sinala os seus longos límites. E outra referencia data de 1409, onde Lorenzo Canes de Cadaval, escudeiro morador en terra da Louriña, fai doazón ó Mosteiro de Oia, a metade do Coto de Borreyros coas súas casas, as súas herdades, as súas viñas, as súas devesas etc. Durante tempo, a parroquia de Santa Cristina da Ramallosa (Baiona), pertenceu a ela ata que se independizou.^[4]

Patrimonio[editar | editar a fonte]

Pola parroquia discorre o río Miñor. Posúe unha capela, chamada Capela da Xunqueira que data do ano 1723 (segundo a inscrición que hai no arco da entrada).^[4]

No monte veciñal atópase un poboado castrexo da idade de ferro, o castro da Pedra Moura. Ten parapetos defensivos, e desde el vese o Val Miñor e a ría de Vigo. Está en terreos propiedade da Comunidade de Montes.

Na parroquia tamén se encontra a Fraga de Oliveira, que está situada entre as parroquias de Borreiros, Belesar e Donas no contorno do río da Groba, aínda que os sendeiros que están dentro do sendeiro da Grela, están sen sinalizar e abandonados.

Festas[editar | editar a fonte]

Santo Antonio de Padua: 13 de xuño (na Capela da Xunqueira).
A Virxe da Luz: 8 de setembro (na Capela da Xunqueira).
San Martiño: 11 de novembro.

Galería de imaxes[editar | editar a fonte]

Artigo principal: Galería de imaxes de Gondomar.

Cruceiro de San Martiño.
Ábsida: estatua e gravado.
Igrexa parroquial de San Martiño.
Capela da Xunqueira.
Castro da Pedra Moura
Castro da Pedra Moura

Lugares e parroquias[editar | editar a fonte]

Lugares de Borreiros[editar | editar a fonte]

Lugares da parroquia de Borreiros no concello de Gondomar (Pontevedra)
O Aciquelo \| A Bandeira \| Borreiros \| Os Boucelos \| O Burgovedro \| Cabaleiros \| O Castro \| O Cruceiro \| A Esparadela \| A Estrada \| Guntín \| O Lousado \| O Monteiro \| A Oliveira \| As Regadas \| San Martiño \| O Seixo \| O Telleiro \| A Tomada \| A Valada \| Viso de Calvos \| A Xunqueira

Parroquias de Gondomar[editar | editar a fonte]

Galicia \| Provincia de Pontevedra \| Parroquias de Gondomar
Borreiros (San Martiño) \| Chaín (Santa María) \| Couso (San Cristovo) \| Donas (Santa Baia) \| Gondomar (San Bieito) \| Mañufe (San Vicente) \| Morgadáns (Santiago) \| Peitieiros (San Miguel) \| Vilaza (Santa María) \| Vincios (Santa Mariña)