Black Hawk Down

Black Hawk Down
Ficha técnica
Título orixinal	Black Hawk Down
Director	Ridley Scott
Produtor	Jerry Bruckheimer Ridley Scott
Guión	Ken Nolan
Baseado en	Black Hawk Down (1999) de Mark Bowden
Intérpretes	Josh Hartnett Eric Bana Ewan McGregor Tom Sizemore William Fichtner Sam Shepard Hugh Dancy Jason Isaacs Orlando Bloom
Música	Hans Zimmer
Fotografía	Slawomir Idziak
Montaxe	Pietro Scalia
Estudio	Revolution Studios Scott Free Productions Jerry Bruckheimer Films
Distribuidora	Sony Pictures Columbia Pictures
Estrea	2001
Duración	144 minutos
Orixe	Estados Unidos
Xénero	Drama, bélico
Orzamento	$92 000 000
Recadación	$172 989 651
Na rede
http://www.sonypictures.com/homevideo/blackhawkdown

Black Hawk Down é un filme estadounidense de 2001 gañador de 2 premios Óscar, mellor son e mellor montaxe, dun total de 4 participacións. Foi dirixido por Ridley Scott e escrito por Ken Nolan. O argumento baséase no libro homónimo de Mark Bowden que narra o feito real acontecido durante unha misión estadounidense de pacificación, con mandato da ONU, en Somalia, en 1993.

Sinopse

Durante outubro de 1993, soldados estadounidenses de elite, Rangers e Delta Force son enviados a Mogadiscio, Somalia, como parte dunha operación de paz das Nacións Unidas: os cargamentos de alimentos enviados pola ONU son sistematicamente roubados polas milicias dos señores da guerra, notablemente Mohamed Farrah Aidid, o máis poderoso, que non dubidan en ametrallar a inocentes civís para conseguilo. O xeneral William F. Garrison (EEUU) está ao mando da operación que, segundo os seus asesores, non debería levar máis aló de dúas semanas, mais os final tarda máis tempo do debido, polo que Washington impaciéntase. Entón establécese unha nova misión, levada a cabo polas forzas Rangers e Delta dos Estados Unidos. O obxectivo é capturar a un grupo de guerrilleiros liderados por Aidid que promoven o estado de anarquía e con eles como reféns, negociar o fin da guerra civil. Cando empeza a misión todo parece ir ben; un grupo de helicópteros UH-60 Black Hawk e OH-6 Little Bird con membros dos Delta Force e dos Rangers abordo diríxese a Mogadiscio, nun aparente estado de calma. Un espía infiltrado sobre o terreo indica onde se reúnen os personaxes a capturar. Pero a guerra urbana é un escenario complexo onde os helicópteros son gravemente vulnerables ao fogo desde edificios, especialmente ás granadas autopropulsadas (RPG).

Cando un dos soldados Rangers cae dun helicóptero, comezan seriamente os problemas. Un dos rebeldes logra impactar a un Black Hawk e derrúbao, outro dos helicópteros que acode ao rescate tamén é impactado. Con dous helicópteros derribados, a misión convértese nunha misión de rescate. É un escenario inesperado que se abre nun momento de graves problemas, xa que as milicias non só están ben armadas, senón que se confunden entre as masas de persoas. Soldados da ONU de Malaisia, Paquistán e EUA entran por terra ante a gravidade da situación. Vulnerables tamén ás granadas autopropulsadas e aos AK-47 das milicias, pronto se encontrarán con feridos e falecidos entre as súas filas.

Ao final convértese a misión nunha desesperada carreira contra reloxo para rescatar aos caídos, atrapados e feridos nunha cidade que se converteu en zona de combate mortal. Lograrán finalmente conducir os superviventes cara a salvación. Esgotados e feridos, son recibidos á entrada da zona segura (un estadio deportivo) por pícaros rindo que corren e xogan, paquistanís amables con bandexas de té e auga. Os refachos dos AK-47 aínda soan tras eles.

Personaxes

75th Rangers

• Josh Hartnett como Sarxento Matt Eversmann
• Ewan McGregor como Especialista John "Grimesey" Grimes
• Tom Sizemore como Tenente Coronel Danny McKnight
• Ewen Bremner como Shawn Nelson
• Gabriel Casseus como Mike Kurth
• Hugh Dancy como Sarxento Airborne Ranger Kurt "Doc" Schmid
• Ioan Gruffudd como Tenente John Beales
• Tom Guiry como Ed Yurek
• Charlie Hofheimer como Jamie Smith
• Danny Hoch como Sarxento Dominick Pilla
• Jason Isaacs como Capitán Michael D. Steele
• Brendan Sexton III como Soldado Richard "Alphabet" Kowalewski
• Brian Van Holt como Jeff Struecker
• Ian Virgo como John Waddell
• Tom Hardy como Lance Twombly
• Gregory Sporleder como Scott Galentine
• Carmine Giovinazzo como Mike Goodale
• Chris Beetem como Casey Joyce
• Matthew Marsden como Dale Sizemore
• Orlando Bloom como Todd Blackburn
• Enrique Murciano como Lorenzo Ruiz
• Michael Roof como John Maddox

Delta Force

• Eric Bana como Sarxento Norm "Hoot" Gibson
• William Fichtner como Sarxento Jeff Sanderson
• Kim Coates como Sarxento Xefe Tim "Griz" Martin
• Steven Ford como Tenente Joe Cribbs
• Željko Ivanek como Tenente Gary Harrell
• Johnny Strong como Sarxento Randy Shughart
• Nikolaj Coster-Waldau como Gary Gordon
• Richard Tyson como Sarxento Daniel Busch

160th SOAR – Night Stalkers

• Ron Eldard como Michael Durant
• Glenn Morshower como Tenente Tom Matthews
• Jeremy Piven como Clifton Wolcott

Misceláneos

• Sam Shepard como Xeneral William F. Garrison
• George Harris como Osman Atto
• Razaaq Adoti como Yousuf Dahir Mo'alim
• Treva Etienne como Firimbi
• Ty Burrell como Timothy A. Wilkinson

Galardóns

Premios Óscar

Ano	Categoría	Receptor(es)	Resultado
2001	Mellor montaxe	Pietro Scalia	Gañador
2001	Mellor son	Michael Minkler Myron Nettinga Chris Munro	Gañadores
2001	Mellor director	Ridley Scott	Nomeado
2001	Mellor fotografía	Slawomir Idziak	Nomeado

Premios BAFTA

Ano	Categoría	Receptor(es)	Resultado
2001	Mellor montaxe	Pietro Scalia	Nomeado
2001	Mellor fotografía	Slawomir Idziak	Nomeado
2001	Mellor son	Chris Munro Per Hallberg Michael Minkler Myron Nettinga Karen M. Baker	Nomeados

Véxase tamén

Ligazóns externas

• Tráiler Black Hawk derribado en HD