Bernhard Meyer

Bernhard Meyer

Biografía
Nacemento	24 de agosto de 1767 Hanau, Hesse (Alemaña)
Morte	1 de xaneiro de 1836 preto de Offenbach am Main
Datos persoais
País de nacionalidade	alemá
Actividade
Campo de traballo	Botánica, Brioloxía e Ornitoloxía
Ocupación	médico, botánico e zoólogo (ornitólogo e teriólogo)
Membro de	Senckenberg Nature Research Society (en)
Lingua	Lingua alemá
Obra
Abreviación dun autor en botánica	B.Mey.

Bernhard Meyer, nado o 24 de agosto de 1767 en Hanau, Hesse (Alemaña), e finado o 1 de xaneiro de 1836 preto de Offenbach am Main (literamente, "Offenbach do Meno"), foi un médico, botánico e zoólogo (ornitólogo e teriólogo) alemán.

Traxectoria

Meyer primeiro traballou como médico e, máis tarde, fundou unha empresa farmacéutica. Con este negocio fixo fortuna, e daquela dedicouse en exclusiva desde entón á historia natural. Meyer foi o coautor, xunto con Gottfried Gaertner e Johannes Scherbius, de Oekonomisch-technische Flora der Wetterau (1799), obra na que lle deu o nome científico a numerosas plantas. Tamén foi o coautor, xunto con Johann Wolf, de Naturgeschichte der Vogel Deutschlands (1805), e de Taschenbuch der Deutschen Vogelkunde (1810).

Entre os numerosaon taxon da súa autoría, foi o descritor da orde dos piciformes, da clase das aves.

Abreviaturas

Botánica

A abreviatura B.Mey. emprégase para indicar a Bernhard Meyer como autoridade na descrición e taxonomía en botánica.

Zooloxía

A abreviatura Meyer emprégase para recoñecer a Bernhard Meyer como autoridade na descrición e taxonomía en zooloxía. ​

Véxase tamén

Bibliografía

• Erwin Stresemann (1975): Ornithology, from Aristotle to the present. Cambridge, Massachusetts: Harvard University Press. ISBN 0-6746-4485-9.