Arteria axilar

Arteria axilar

A arteria axilar é unha arteria do membro superior humano, pertencente á rexión da axila. Abastece de sangue as paredes da axila, as rexións próximas e continúa, para dar, xa no brazo, lugar á arteria umeral. É unha rama terminal da arteria subclavia, cuxo límite é o bordo lateral da primeira costela. No bordo inferior do músculo redondo maior convertese na arteria umeral. Para o seu estudo anatómico, a arteria axilar divídese en tres segmentos: primeiro (na zona proximal ao músculo pectoral menor), segundo (por detrás do pectoral menor) e terceiro (na parte distal ao pectoral menor). A primeira parte está protexida pola cuberta axilar.

Ramas da arteria axilar

• Do primeiro segmento: arteria torácica superior
• Do segundo segmento: arteria toracoacromial e arteria torácica lateral
• Do terceiro segmento: arteria subescapular, arteria circunflexa umeral anterior e a arteria circunflexa umeral posterior.

Véxase tamén

Bibliografía

• Gray, anatomía para estudiantes. Membro superior. (en castelán)