Antítese

A antítese é unha figura retórica de pensamento, consistente nun tropo que opón elementos contrarios.

Exemplos

• No soneto, de Miro Villar, "Miro os meus dedos orfos":

MIRO OS MEUS DEDOS ORFOS, AS VEAS IMPREGNADAS

de esperanzas molladas nos húmidos latexos

(...)

Todo agora é silencio seco, que me tortura

• No poema "Souben amar" (no poemario Códice Calixtino de Luz Pozo Garza):

rúas escuras (verso 3)

tempo luminoso (verso 14)

• En "Negra sombra" (Follas Novas, de Rosalía de Castro). Obsérvese que ademais hai homeoptoto.

Si cantan, es ti que cantas

Si choran, es ti que choras

• En "A gaita gallega" (Cantares Gallegos, de Rosalía de Castro).

Non canta, que chora

• En "Cada noite eu pensando choraba..." (Follas Novas, de Rosalía de Castro).

tras da noite topaba ca aurora

---

Este artigo sobre lingüística é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---