Alex Ribeiro

Alex Ribeiro

Biografía
Nacemento	7 de novembro de 1948 (75 anos) Belo Horizonte, Brasil
Datos persoais
País de nacionalidade	Brasil
Actividade
Ocupación	piloto de automobilismo , piloto de Fórmula Un
Lingua	Lingua portuguesa
Deporte	automobilismo

Alexandre "Alex" Dias Ribeiro (nado en Belo Horizonte, 7 de novembro de 1948). É un expiloto de carreiras do Brasil. Participou en 20 Grandes Premio do campionato Mundial de Fórmula 1, pero non anotou ningún punto no Campionato Mundial.

Carreira

Logo dunha sólida base nas fórmulas inferiores (foi quinto no Campionato de Europa de Fórmula 2 de 1976), Ribeiro pagou a súa participación no equipo March de Fórmula 1 para a tempada de 1977 (os seus patrocinadores principais eran Caixa Econômica Federal, un banco brasileiro e Souza Cruz, unha compañía de tabaco).

Con todo, a tempada converteuse nun pesadelo. O propietario de March Max Mosley (máis tarde presidente da FIA) contratou a catro pilotos, e o equipo simplemente non tiña a capacidade de fornecelos a todos. A reputación de Ribeiro como piloto sufriu.

En 1978, tratou de salvar a súa reputación como piloto de carreiras e creou un equipo privado de F2 para participar na tempada de 1978 de Fórmula 2 de Europa, un ano dominado polo equipo da fábrica de March. O seu coche foi pintado coas palabras "Jesús salva". Ribeiro logrou gañar a rolda de Nürburgring dun xeito dramático, logo de que os favoritos Giacomelli e Marc Surer retiráranse da carreira. O resto da tempada, con todo, non deu froitos.

Entón, en 1979, o equipo brasileiro de Fittipaldi (Fittipaldi Automotive) ofreceulle dúas oportunidades de cualificar nun segundo coche, para o Gran Premio do Canadá de 1979 e o Gran Premio dos Estados Unidos de 1979 de Fórmula Un. Con todo, o equipo concentrábase no ex campión da F1 Emerson Fittipaldi, e Ribeiro non se cualificou en ambos eventos.

Ribeiro foi coñecido pola proclamación da súa fe na forma do eslogan "Jesús salva" nos seus coches de Fórmula Un.

Posteriormente desempeñou o cargo de Capelán nos eventos de F1 aos que asistiu como piloto do Coche Médico e é posiblemente o piloto máis coñecido do grupo "Cristiáns no Automobilismo" 'Christians In Motorsport'.

En 1994, uniuse ao equipo da Selección de fútbol do Brasil como pastor no Mundial de Fútbol Estados Unidos 1994. Realizou servizos de adoración para o equipo e máis tarde escribiu un libro sobre a viaxe do equipo á vitoria, titulado "¿Quen gañou a Copa do Mundo '94?"

No Gran Premio do Brasil de 2002, Ribeiro estivo implicado nun incidente potencialmente serio. Durante o quecemento da mañá o día da carreira o domingo, Enrique Bernoldi estrelou o seu Arrows na curva 2. Cando Ribeiro, piloto do Coche Médico, saíu a ver a Bernoldi, abriu a porta do coche e xusto cando a abriu, Nick Heidfeld apareceu no seu Sauber, e estrelouse contra a porta aberta. Tanto Ribeiro como Heidfeld saíron ilesos.

En 1981, Ribeiro escribiu un libro autobiográfico chamado "Mais Que Vencedor", no que chama ao dono de March, Max Mosley, "Mack Mouse" (o rato Mack) e ao enxeñeiro de March Robin Herd "Robin Hood".

Rexistro de carreiras

Resultados completos do Campionato Europeo de Fórmula Dúas

(clave) (As carreiras en negra indican pole position, as carreiras en cursiva indican volta rápida)

Ano	Equipo	Chasis	Motor	1	2	3	4	5	6	7	8	9	10	11	12	13	14	Pos.	Pts
1975	March Engineering Ltd	March 752	BMW	EST	THR	HOC	NÜR	PAU	HOC	SAL	ROU	MUG	PER	SIL	ZOL	NOG	VAL Ret	—	0
1976	BMW Motorsport	March 762	BMW	HOC 13	THR 2	VAL 3	SAL 5	PAU 6	HOC Ret	ROU Ret	MUG 4	PER 2	EST 3	NOG 5	HOC Ret			5º	31
1977	March Racing Ltd	March 772P	BMW	SIL	THR 3	HOC	NÜR	VAL 14	PAU	MUG						DON 8		14º	4
	Fred Opert Racing	Chevron B40	Hart								ROU 7	NOG	PER	MIS NSC	EST
1978	Alex Ribeiro	March 782	Hart	THR 15	HOC 6	NÜR 1	PAU 12	MUG 10	VAL NC	ROU 10	DON Ret	NOG Ret	PER 7	MIS 13	HOC			8º	11

Resultados completos na Fórmula Un

(Chave) As carreiras en letra grosa indican pole position; as carreiras en cursiva indican volta rápida.

Ano	Equipo	Chasis	Motor	1	2	3	4	5	6	7	8	9	10	11	12	13	14	15	16	17	Pos.	Puntos
1976	Hesketh Racing	Hesketh 308D	Cosworth V8	BRA	RSA	USW	ESP	BEL	MON	SWE	FRA	GBR	ALE	AUT	NED	ITA	CAN	USA 12	XPN		NC	0
1977	Hollywood March Racing	March 761B	Cosworth V8	ARX Ret	BRA Ret	RSA Ret	USW Ret	ESP NSC	MON NSC	BEL NSC	SWE NSC	FRA NSC	GBR NSC	ALE 8	AUT NSC	NED 11	ITA NSC	USA 15	CAN 8	XPN 12	NC	0
1979	Fittipaldi Automotive	Fittipaldi F6A	Cosworth V8	ARX	BRA	RSA	USW	ESP	BEL	MON	FRA	GBR	ALE	AUT	NED	ITA	CAN NSC	USA NSC			NC	0