Acoso escolar

Para outras páxinas con títulos homónimos véxase: Acoso.

O acoso escolar ou bullying é un tipo de acoso psicolóxico que realiza un neno sobre outro neno no ámbito escolar.

O acoso escolar caracterízase por ser un comportamento agresivo e negativo, reiterado e ter lugar nunha relación desigual entre as partes implicadas.

Hai dous tipos de acoso escolar, o directo que é a forma máis común entre os rapaces e o indirecto que é máis común entre as rapazas e en xeral na preadolescencia e caracterízase por levar o individuo cara a un illamento social que se consegue por técnicas variadas como difundir rumores, rexeitar o contacto social coa vítima, ameazar a outros nenos que se leven ben coa vítima, criticar a forma de vestir, a relixión, a lingua, a orientación sexual, a discapacidade, etc.