Arcaísmo

Os arcaísmos son palabras que existían no galego medieval, mais que na actualidade non se aceptan por se consideraren antigas debido a tres factores:

• Algunhas destas palabras xa eran pouco usuais na época medieval (ex. *vegada, por vez).
• Outras voces interpretáronse mal: como o tan empregado erroneamente *conquerir (usado como conseguir), e que na Idade Media significaba conquistar.
• E incluso outras formas estaban nunha fase evolutiva (como *caor ou *coor)

Outros arcaísmos

• capiduo, *caloña, *estormento, *estoria, *maor, *mor, *outo, *tiduo, *trebuto... Algúns deles existen actualmente nos topónimos, como é o caso de Montouto ou Toxosoutos.

A aceptación

Existen casos específicos onde un termo moi habitual do galego medieval si que se acepta. Este pode ser o caso de ren (adverbio) ou res (adxectivo), admitido no VOLG de 2004. Ás veces a lingua común ou a terminoloxía e a neoloxía poden botar man de formas antigas para ampliar o seu significado á actualidade e recuperar o seu uso: é o caso de albanel, Deus ou albeite, palabras que xa non existían no galego oral e que se recuperaron ou reconstruíron en base ó galego medieval (ou en base ó seu outro herdeiro directo, o portugués).

Véxase tamén

• Castelanismos fonéticos.
• Castelanismos ortográficos.
• Castelanismos morfosintácticos.
• Castelanismos léxicos.
• Castelanismos semánticos.
• Hipergaleguismo.
• Lusismo.
• Arcaísmo.
• Vulgarismo.
• Dialectalismo.