Leo Esaki

Leo Esaki (en xaponés: 江崎 玲於奈) ( Osaka, Xapón 1925 ) é un físico xaponés galardoado co Premio Nobel de Física no ano 1973.

Biografía

Naceu o 12 de marzo de 1925 na cidade xaponesa de Osaka. Estudou física na Universidade de Toquio, licenciándose en 1947 e doutorándose en 1959. Tras traballar como investigador na empresa Sony, oen1960 trasladouse aos Estados Unidos onde foi contratado no centro de investigación da empresa IBM Thomas J. Watson Research Center.

Inevstigacións científicas

Interesado na mecánica cuántica realizou investigacións ao redor do efecto túnel sobre os semicondutores e superconductores, explicando o efecto do diodo de Esaki polo cal estudou o paso de electróns a través dunha barreira sólida sen deixar ningún rastro, reagrupándose despois na súa formación inicial. Esta teoría ten aplicacións actuais en electrónica, medicina e astronáutica.

No ano 1973 foi galardoado co Premio Nobel de Física, xunto con Ivar Giaever e Brian David Josephson, polos experimentos ao redor de semicondutores e supercondutores.

Ligazóns externas

• (en inglés) Páxina do Instituto Nobel, Premio Nobel de Física 1973