Espazo

O espazo concíbese comunmente como o escenario onde se sitúan os obxectos físicos, e onde transcorre a realidade.

Física.

Na física, o espazo está constituido por variabeis matemáticas que caracterizan a posición de calquera obxecto nun sistema de coordenadas, baixo un principio de relatividade dado.

Deste xeito, o concepto de espazo vai presentar diferenzas clave en función da teoría na que se defina, sexa na Física Aristotélica, na Física Newtoniana ou tamén chamada Física clásica, na Física Relativista ou noutras teorías recentes e aínda en discusión.

Na física, existen certas discordancias con respecto da definición exacta de espazo, que pode ser: unha estrutura definida por un conxunto de "relacións espaciais" entre obxectos; un contido limitado e definido por sistemas de coordenadas onde se pode localizarun obxecto; a entidade que separa os obxectos e impide que entren en contacto directo; ou a condición dentro do dominio da existencia que permite manifestacións como o movemento e os fenómenos da dinámica.

Matemática

Na matemática o espazo é un conxunto, xeralmente con algunha estrutura adicional.

Na xeometría euclidiana e na física clásica, o Espazo euclidiano defínese como o conxunto de posicións que se pode describir atribuíndo a cada posición tres coordenadas, respectadas dúas condicións: i) valla o teorema de Pitágoras e ii) respecte a norma euclidiana. A física relativista considera o espazo cuatridimensional (pois considera tamén o tempo).

Astronomía

Decorrente da definición matemática, a astronomía usa a palabra espazo para se referir á porción baleira do universo (espazo sideral) onde existe apenas o vacuo, alén das atmosferas dos planetas. (Úsase o termo "espazo externo" ou "espazo sideral" para distinguilo do espazo con ar e o espazo na Terra).

Filosofía

Entre as cuestións filosóficas relacionadas co espazo inclúense: é o espazo absoluto ou relativo? O espazo ten unha xeometría correcta, ou a xeometría espacial é puramente convencional? Algúns teóricos posicionáronse a respecto desas cuestións: para Isaac Newton o espazo é absoluto, en canto que para Gottfried Leibniz o espazo é relativo; Henri Poincaré considera que a xeometría espacial sexa apenas unha convención.

Informática

Nos computadores o espazo de memoria defínese como a cantidade de células de memoria dispoñíbeis para rexistro de dados. Por fin, na tipografía e na ortografía o espazo é unha área en branco que separa dúas palabras.