Bolxevique

Reunión bolxevique.

Os bolxeviques (do ruso Большевик, "membro da maioría") eran unha fracción dentro do Partido Obreiro Socialdemócrata de Rusia, dirixida por Vladímir Ilich Uliánov (Lenin), contraposta ós menxeviques, dirixidos por Julius Martov.

Polémica en 1903

A división tivo lugar no Segundo Congreso do partido, celebrado en Bruxelas e Londres en 1903. As teses propostas por Lenin foron:

1. A loita pola ditadura do proletariado como instrumento necesario da revolución para avanzar hacia o socialismo.
2. A alianza da clase obreira co campesiñado para derribar a autocracia rusa, levar a cabo os obxectivos democráticos da revolución e enfrontar as vacilacións e traicións da burguesía.
3. A liquidación dos latifundios terratenentes e a entrega da terra ós campesiños.
4. O recoñecemento do dereito á autodeterminación das nacións oprimidas por Rusia.
5. A condición de pertencer a unha organización do partido para ser considerado membro del.
6. A necesidade de construír un partido cunha organización interna baseada no "centralismo democrático", con militantes profesionais, que garantizasen a homoxeneidade ideolóxica e a capacidade de organización, e que debían portar como programa revolucionario que o proletariado conquistase o poder político (ditadura do proletariado), para levar a cabo a revolución.

Debido á diversidade dos temas debatidos, as votacións fluctuaron a favor ou en contra das propostas de Lenin. Foi aprobado un programa mínimo contra a autocracia e un programa máximo hacia o socialismo cos puntos de vista leninistas, excepto no referinte ó tema de terras, pues se esixía unicamente a devolución das terras arrebatadas polos terratenentes ós campesiñado. Nos temas organizativos foron aprobadas as propostas de Martov. Porén, na fase final do congreso, cando se ía elexir a dirección do partido, a correlación de forzas invertiuse de novo debido ó retiro dalgúns delegados, ós que o congreso negou propostas do seu interese. Os alcumes de bolxevique (a maioría) e menxevique (a minoría), proveñen do resultado da elección do Comité Central e do Comité de Redacción do periódico Iskra, que nembargantes quedaría en mans dos menxeviques pouco despois do congreso.

Distanciamento cos menxeviques

Trala derrota da Revolución de 1905, os bolxeviques mantiveron a súa estratexia radical polo establecemento dunha ditadura de obreiros e campesiños. No referinte ó programa agrario esixiron a nacionalización da terra e a súa entrega ós campesiños. No organizativo demandaron manter as estructuras clandestinas do partido. Todo isto conduciu á escisión dos menxeviques en 1912.

Guerra e revolución

Tralo estourido da Primeira Guerra Mundial os bolxeviques aliñáronse co sector "internacionalista" da socialdemocracia europea, opoñéndose á "defensa da patria" (sostida polos chamados "defensistas") e defendían o rechazo da guerra imperialista e a conversión nunha guerra civil revolucionaria. Os menxeviques dividíronse entón, ó facerse a maioría dos seus dirixentes defensista, mentras Martov encabezou un grupo internacionalista, que nembarganteso seguiu organizativamente separado dos bolxeviques, e politicamente enfrontado por diverxencias similares ás sostidas desde 1903.

Tralo triunfo da Revolución Rusa de 1917, xa no goberno, a fracción bolxevique tomou o nome de Partido Comunista de Rusia (bolxevique), logo Partido Comunista da Unión Soviética (bolchevique). Non sería ata 1952 cando eliminaron a referencia "bolxevique" do nome oficial do partido, que pasou a denominarse Partido Comunista da Unión Soviética.

O termo utilízase de cotío como sinónimo de comunista, aínda que este propiamente non o sexa.

Ligazóns externas

• Tres concepcións da Revolución Rusa; diferencias principais entre menxevismo, bolxevismo e a teoría da revolución permanente. Texto de Trotski (en castelán)
• Historia da Revolución Rusa. Trotski (en castelán)
• Himno do Partido Bolxevique, máis adiante himno da URSS