Os doce traballos de Heracles

Heracles/Hércules

Heracles (máis coñecido polo seu nome romano Hércules) é o nome dun heroe mitolóxico grego.

O seu pai era Zeus quen, abraiado pola beleza de Alcmena, a muller de Anfitrión de Tebas, adquiriu a forma do seu esposo para enganala. Froito desa relación naceu Herácles.

A súa forza física sería a a súa característica física máis aprezada, demostrada xa desde pequeno ao afogar dúas serpes no berce.

Cando acadou a idade adulta matou ao León de Citerón e vestiuse coas súas peles.

Venceu aos minios que gravaban aos tebanos cun pesado tributo, o que lle asegurou a simpatía dos seus veciños, quen lle ofreceron como recompensa a princesa Méxera coa que casou.

Cando a princesa lle deu tres fillos, Hera, a esposa de Zeus que non esquecía ningunha ofensa, volveuno tolo temporalmente. Heracles, entón, matou a súa muller e fillos coas súas propias mans. E en penitencia por estes asasinatos acudiu ao seu primo Euristeo quen lle encargou os famosos doce traballos.

Os doce traballos de Hércules

Estes doce traballos eran teoricamente fazañas imposibles de realizar e nas que tamén se buscaba que o esforzado heroe encontrara a morte. Porén, vemos cómo foi capaz de executalas todas:

1. Matou o león de Nemea, cuxa pel pasou a ser parte da indumentaria do heroe.
2. Acabou coa Hidra de Lerna, monstro de múltiples cabezas que continuamente se rexeneraban.
3. Capturou ao porco bravo de Erimanto.
4. Capturou a cerva de Cerinea, traballo que o levou até o lonxano país dos Hiperbóreos.
5. Acabou coas aves do lago Estinfalo, cuxas plumas eran frechas de bronce.
6. Limpou os establos do rei Augias.
7. Cazou o touro selvaxe de Creta.
8. Domou as eguas de Diomedes, perigosas eguas antropófagas.
9. Conseguiu o cinto da amazona Hipólita.
10. Matou a Xerión e arrebatoulle o gando.
11. Recolleitou as mazás das Hespérides.
12. Atou o can Cerbero nos dominios subterráneos do inferno para liberar a Teseo.