Bemil, Caldas de Reis

Fachada da Igrexa románica de Santa María de Bemil de finais do século XII

Procesión de Follente (Bemil) coa imaxe da Virxe das Dores previa ao tradicional xantar de confraternidade

Parroquia de Caldas de Reis dedicada á advocación de Santa María. Conta con tres aldeas: Follente, Outeiro e Paradela. Nos últimos anos configurouse un novo núcleo de poboación próximo á área industrial das Veigas de Almorzar. A poboación está próxima aos mil habitantes. Conta cunha capela dedicada a San Lourenzo no lugar de Outeiro e outra no lugar de Paradela. A Igrexa Parroquial foi construída a finais do século XII, aínda que do estilo románico só conserva a antiga fábrica medieval, a ábsida, o rosetón da fachada occidental e un treito do muro sur. Nela consérvanse tamén as reliquias de San Xusto, en honra ao cal se celebra unha popular romaría o último domingo de agosto. Outra festa moi populosa é a dedicada á Virxe das Dores (fin de semana arredor do 15 de setembro) en Follente, que conta con dous días festivos: o primeiro coa tradicional verbena e o segundo cunha misa e procesión campestre e unha comida de confraternidade con varios centos de veciños.

gl:Bemil, Caldas de Reis