Policía

Un coche da policía australiana

A policía é unha forza de seguridade encargada de velar polo mantemento da orde pública e a seguridade dos cidadáns e sometida ás ordes das autoridades políticas. Chámase tamén policía a cada axente pertencente a dita organización.

A verba "policía" provén da lingua francesa e o seu usu data do século XVIII. Esta palabra provén indirectamente do latín politīa, e esta do grego πολιτεία, de πολις, "cidade", que se refire ao goberno ou á administración do Estado.

No Estado Español, coexisten como forzas policiais de caracter estatal:

• O Corpo Nacional de Policía (C.N.P.)
• A Garda Civil

Vehículo do Corpo Nacional de Policía.

Ademais destes dúas forzas estatais, existen policías autonómicas, como

• os Mossos d'Esquadra, en Cataluña
• a Ertzaintza no País Vasco, e a
• Policía Foral de Navarra,

así como policías locais ou municipais. O mapa policial do Estado complétase coas "Unidades Adscritas do Corpo Nacional de Policía" aos gobernos autonómicos de Galiza (Policía Autonómica Galega), Valencia, Andalucía e Asturias, estando prevista a súa implantación noutras comunidades como Aragón e Canarias.