Xeróglifo

Xeróglifo ou Xeroglífico é cada un dos sinais da escrita de antigas civilizacións, tales como os exipcios, os hititas e os maias. Tamén se aplica a calquer escrita de difícil interpretación ou enigmática.

Xeróglifo é un termo que se deriva de dúas palabras gregas: hierós "sagrado", e glyphós "escrita".

Xeróglifos exipcios

• Artigo principal: Xeróglifo exipcio

Unicamente os sacerdotes, membros da realeza, altos cargos, e escribas coñecían a arte de ler e escribir eses sinais "sagrados". A escrita xeroglífica constitúe probablemente o máis antigo sistema organizado de escrita no mundo, e era vocacionada principalmente para inscricións formais nas paredes de templos e túmulos. Co tempo evoluíu para formas máis simplificadas, como o hierático, unha variante máis cursiva que se podía pintar en papiros ou placas de barro, e ainda máis tarde, coa influencia grega crecente no Oriente Próximo, a escrita evoluíu para o demótico, fase en que os xeroglifos iniciais ficaron bastante estilizados, habendo mesmo a inclusión dalgúns sinais gregos na escrita.