Ourense

19' 48" N / 07º 52' 12" O_E_ 42_19_48_N_07_52_12_W, 42º 19' 48" N / 07º 52' 12" O

Ourense
Situación
Xentilicio	Ourensán - Auriense
Xeografía
Provincia	Provincia de Ourense
Comarca	Comarca de Ourense
Poboación	108.137 hab.
Área	84,5 km²
Densidade	1.279,73 hab./km²
Entidades de poboación	21 parroquias
Capital do concello	Ourense
Política (2007)
Alcalde	Francisco Rodríguez Fernández (PSdeG-PSOE)
Concelleiros	BNG: 6 concelleiros PPdeG: 13 concelleiros PSdeG-PSOE: 8 concelleiros Outros: -
{{{eleccións}}}
Uso do galego (2001)
Galegofalantes	89,92%
Na rede
www.ourense.es
[ editar datos en Wikidata ]

Ourense é a terceira cidade de Galicia por poboación tras Vigo e A Coruña, capital da provincia do seu nome. Ten 108.137 habitantes segundo o padrón municipal de 2006 (109.475 en 2003) e é cabeza da comarca homónima.

Está atravesada polos ríos Miño, Barbaña e Loña. É coñecida como "A cidade das Burgas" debido á sona das súas famosas fontes de augas termais (a auga sae a 60-68ºC). Destacan como monumentos a Catedral de Ourense (Século XII) co seu Pórtico do Paraíso e o Santo Cristo, a ponte Romana, O Claustro de San Francisco, as igrexas da Trindade e San Domingos, e o conxunto do seu casco antigo, en proceso de recuperación. Cidade Termal por excelencia, ademais das Burgas o visitante pode gozar das augas termais do balneario da Chavasqueira (de inspiración xaponesa), O Tinteiro, Muiño da Veiga e Outariz. Están moi próximos á capital os centros balnearios da Arnoia, Baños de Molgas, Laias e O Carballiño.

Etimoloxía

Bautizada polos romanos como "A ciadade de ouro" (Auriense) pola súa abundancia neste metal precioso, foi unha importante cidade da provincia romana de Hispania ata que se esgotaron as súas reservas deste mineral, que se atopaba no Río Miño. Tamén se cre que o nome da cidade ven do latín aquare urente (Augas abrasadoras), ou do xermánico Warmse (Lago quente), polas coñecídas fontes de augas termais, As Burgas, (nome derivado do latín Burca que significa pila), unha das moitas que existen no Concello.

Historia

• Véxase o artigo principal: Historia de Ourense

Aínda que había asentamentos castreños á beira do Miño e do Loña como os de Valdegola, Oira e San Tomé a cidade ten a súa orixe no asentamento romano a caron das Burgas e da guarnición da ponte romana.

Situada na vía que unía Bracara (Braga) con Asturica (Astorga) a cidade mantivo importancia tras a época romana pola sua ponte e situación central na antiga Gallaecia.

Foi corte real dos suevos crese que durante o reinado de Carriarico/Teodomiro que foi o que fundou a primeira igrexa adicada a San Martiño de Tours.

Tras as incursións árabes e normandas do século X, iníciase unha lenta recuperación. En 1084 o bispo Ederonio restaura a catedral, hoxe Igrexa de Santa María Nai.

Mais será durante o bispado de don Lourenzo cando dona Tareixa de Portugal concede a xurisdición da cidade ao bispo e aos seus sucesores en 1122 situación que se mantería ata o século XVII.

Ao longo da Idade Moderna Ourense foi cidade de cregos, nobres e funcionarios sendo a súa industria a do viño, manténdose ata as pragas de finais do XIX. Neste século a cidade vai incrementar a sua poboación coa construción da Estrada Villacastín-Vigo, e a nova liña férrea Monforte-Vigo tamén crece a cidade que se espalla máis aló do tradicional casco vello.

Durante o século XX este crecemento mantívose, Ourense continuou a ser o centro administrativo da provincia gañando un notable pulo comercial vencellado a emigración procedente de Zamora, Logroño e León que aparace atraída polas novas vías de comunicación.

Actualmente Ourense é un importante nó de comunicacións onde se cruzan tres autoestradas, catro Estradas Nacionais, así como catro vías de ferrocarril. A estación Ourense-Empalme, unha das dúas estacións coa que conta a cidade, é a máis importante de Galicia, dende onde se centralíza todo ao tráfico ferroviario do noroeste da península

Xeografía

• Altura máxima de 134 metros
• Latitude: 42º 19' 48" N
• Lonxitude: 07º 52' 12" W
• Superficie: 85,2 km2.

Demografía e divisións

Segundo datos do INE do 2006, o concello de Ourense conta con 108.137 habitantes situados polo centro urbano e as 21 parroquias das que consta o concello. A densidade de poboación é de 1271 habitantes por quilómetro cadrado.

Evolución da poboación

Evolución da poboación de Ourense   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023
15.194	21.579	55.574	94.346	108.600	108.358
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Política

Ourense é a capital da provincia, así mesmo cabeceira dunha comarca e partido xudicial. Ourense é a sé da Audiencia e Xulgados Provincias, Deputación Provincial de Ourense, as delegacións da Xunta de Galicia e de varios organismos da Administración Xeral do Estado como a Subdelegación do Goberno, Comisaría da Policía Nacional, INSS e outros.

Tras as eleccións municipais do 2007 o goberno da cidade é unha coalición do PSdeG e o BNG sendo o alcalde Francisco Rodríguez.

Economía

A maior parte da cidadanía de Ourense traballa no sector servizos, aínda que tamén ten importancia o sector secundario, xa que a cidade conta con numerosas fábricas relacionadas coa química e os seus derivados. A cidade tamén recibe a influencia do Parque Tecnolóxico de Galicia, que aínda que non se atopa no concello de Ourense, aporta grandes beneficios á cidade.

Climatoloxía

A situación climatolóxica de Ourense é moi especial. Conta cun clima oceánico cunha forte influencia do clima continental. A situación xeográfica da cidade, metida nun val, fai que os veráns sexan dunha extrema dureza acadando a maioría das veces temperaturas superiores aos 35°C en verán. En inverno as temperaturas son baixas, aínda que a maioría das veces non baixan dos 0°C.

Ourense

1931-1960	xan	feb	marz	abr	mai	xuñ	xull	agost	set	out	nov	dec	TOTAL
Temp. media (°C)	6,9	7,7	10,8	12,6	16,0	19,4	22,1	21,4	19,2	14,7	10,0	7,7	14,0
Precipitacións (mm)	90	78	99	56	62	42	17	20	43	89	95	128	818

Praza Maior

Personalidades de Ourense

• Eduardo Blanco Amor, escritor e xornalista (1897- 1979).
• Álvaro das Casas, escritor e dramaturgo (1901-1950).
• Xosé Ramón Fernández-Oxea (Ben-Cho-Shey), escritor, mestre e investigador (1896 - 1988).
• Valentín Lamas Carvajal, escritor e xornalista (1849 - 1906). Fundou o primeiro xornal escrito integramente en galego "O tío Marcos da Portela".
• Florentino López Cuevillas, investigador e arqueólogo (1886 - 1958).
• Xosé Luís Méndez Ferrín, escritor (n. 1938).
• Ramón Otero Pedrayo, escritor e intelectual (1888 - 1976).
• Chus Pato, poetisa e política.
• Vicente Risco, pai do galeguismo contemporáneo (1884 - 1963).

Ourense na cultura popular

• As nenas de Pontevedra/ son o mesmo cas de Ourense,/ son sin quitarlle nin porlle/ como tódalas mulleres.

Galería de imaxes

Vexa o artigo principal en: Galería de imaxes de Ourense

• 
  Vista da Catedral, fotografía desde a Plaza do Correxidor.
• 
  Ponte Romana de Ourense.
• 
  Praza maior de Ourense
• 
  Cabeceira da catedral de Ourense

Lugares de Ourense

Para unha lista completa de todos os lugares do concello de Ourense vexa: Lugares de Ourense.

Ligazóns externas

• Páxina do Concello de Ourense
• Páxina do Cámpus Universitario de Ourense