Frente Popular Galega

A Frente Popular Galega é unha organización política galega de extrema esquerda e independentista.
Cando en 1986 a UPG acepta a participación do BNG no Parlamento Galego, 13 membros do seu Comité Central, liderados por Mariano Abalo, ex-secretario xeral, e Xan Carballo deixan o partido, constituíndo o Colectivo Comunista 22 de marzo, que o 25 de xullo de 1986 transfórmase no Partido Comunista de Liberación Nacional. A III Asemblea Nacional do BNG expulsa ao PCLN por pedir o voto para HB nas eleccións europeas.
En 1987 o PCLN e Galicia Ceibe-OLN forman a FPG. En xuño de 1989 sufriu a escisión dos sectores que apoiaban a loita armada do EGPGC que constitúen a Asembleia do Povo Unido.
Nas eleccións ao Parlamento de Galicia de 2001 obtivo 3.176 votos (0'3%), nas eleccións xerais de 2004 tivo 2.257 votos (0'12%) e 1 concelleiro por Cangas nas eleccións municipais de 2003. Nas eleccións autonómicas de 2005 conseguíu 2.982 votos (0'2%)

Ligazóns

Web oficial da FPG