A Graña de Vilarente, Abadín

Situación da parroquia da Graña de Vilarente no concello de Abadín.

Santa María Madalena da Graña de Vilarente limita ao norte con Vilarente, ao sur con Muimenta e Roás (concello de Cospeito), ao leste con Vilarente e ao oeste con Moncelos e Goás (tamén do concello de Cospeito). Pertence o arciprestado de Baroncelle e ten 13 entidades de poboación e 12 lugares con 267 habitantes, sendo a densidade media de 25'8 hab/Km² no 2004.

• As entidades son as seguintes: A Cabana (34), A Cabeceira ou A Carballeira (17), O Carboeiro (26), A Casavella (6), O Coído (17), Fraga de Vila (15), Penela (14), Porto da Moura (39), A Pumarega (9), Ruavella (28), Os Trinta (13), Vilar de Nuño (34) e Vista Alegre (15).
• Os lugares (que xeralmente forman parte de algunhas das entidades) son: As Augas, Os Carracedos, Chouselas, O Cotiño, A Croa, Os Currás, O Fondal, A Fonte do Trobo, A Fumeira, O Igrexario, Rego da Páxara e Tremoído.

Situacion xeográfica da capital parroquial:

Latitude: 43º 17'

Lonxitude: 7º 28'

Superficie: 10,35 Km²

• Montes:

Roza do Pleito (443 m.) e Marco do Forneiro (440 m.).

• Monumentos:

O Pazo de Cernada é un edificio de propiedade privada, situado nun terreo chan. Planta do edificio en U, con dous pisos, de fábrica de mampostería de pedra rebocada e cantería nos reforzos dos ocos, con cuberta de pizarra. A fachada principal ten un soportal de entrada formado por un pórtico de pedra sobre o que se encontra o escudo. Na fachada posterior destacan as grandes chemineas e unha galería acristalada de madeira. Vanos con tornachoivas. Antiga propiedade da familia dos Noguerol e os Barxa. Na parte posterior ten unha horta con frutais, pozo, cabazo de planta cadrangular de tipo asturiano, alpendres, etc... Toda a finca encóntrase amurallada coa bonita porta de reixas na entrada. No camiño de acceso encóntrase un pombal de planta cadrangular, un cruceiro de granito e a capela propiedade do pazo, con imaxinería e altar de madeira nobre de gran valor artístico.

• Personaxes famosos:

Antonio Noriega Varela estivo destinado como profesor nesta parroquia durante algúns anos.

As dezanove parroquias que conforman o concello de Abadín.