Wikipedia:Guía de carga de imaxes

Guía de carga de imaxes
Cargar unha imaxe propia		A imaxe procede de Commons
A imaxe procede doutra Wikipedia		É unha imaxe antiga, os dereitos de autor caducaron
A imaxe procede de Internet		Ningún dos casos anteriores

Aviso Aviso aos usuarios: Se vostede carga na Galipedia mediante o formulario de carga unha imaxe que non é de uso libre asume que a responsabilidade legal é súa. Ademais debe coñecer que non hai garantía de que a imaxe sexa autorizada na Wikipedia no futuro e dependendo das circunstancias pode ser eliminada. Todas as imaxes cargadas na Galipedia deben indicar quen é o autor, a súa orixe e a licenza de uso. Todas aquelas imaxes que non inclúan a información precisa serán eliminadas sen necesidade de aviso previo.

	Cargar unha imaxe propia Vostede é o autor da imaxe e permite o seu uso libre (incluíndo a creación de obras derivadas a partir do orixinal e uso comercial) sempre que sexa citado como autor. Realizou a foto dun animal, dun monumento, dun lugar... ou un deseño/ilustración propio: Asigne unha licenza de uso a súa imaxe e proceda a cargala. Vostede realizou unha fotografía dunha obra de arte recente da que non é o autor (pintura, escultura, deseño,...): O autor conserva os dereitos sobre a imaxe, vostede fixo o que se chama unha obra derivada e non pode cargar a imaxe na Galipedia, porque será eliminada por infracción dos dereitos de autor. Non sabe como proceder: Preguntar a outros usuarios con experiencia coas imaxes.
	A imaxe procede de Commons As imaxes que proceden de Commons pódense usar libremente na Galipedia (salvo que sexa unha imaxe proposta para borrar ou a páxina de descrición da imaxe non inclúa autor, orixe e licenza) e poden incluírse nos artigos seguindo o mesmo procedemento que as imaxes cargadas directamente na Galipedia: Para localizar un ficheiro pode usar o formulario de procura en Commons (en inglés) ou entrar a través da Portada galega de Commons. Outra opción de procura é este formulario no servidor Wikimedia. A páxina de descrición da imaxe non inclúe información de autor, orixe e licenza ou está proposta para borrar (vexa a lista de imaxes aceptadas en Commons): Non inclúa a imaxe na Galipedia, porque en pouco tempo será borrada en Commons. Non sabe como proceder: Preguntar a outros usuarios con experiencia coas imaxes.
	A imaxe procede doutra Wikipedia A páxina de descrición da imaxe indica unha licenza libre e contén toda a información precisa para identificala: Pode cargar a imaxe na Galipedia coa mesma licenza ou se ten os coñecementos suficientes pode facelo en Commons. A páxina de descrición da imaxe non indica unha licenza válida para a Galipedia. En moitas Wikipedias, en particular na Wikipedia en inglés permítense imaxes con copyright que non son de uso libre, a presenza alí non garante que poida cargarse na Galipedia, ou a información non semella fiable (algúns usuarios asignan licenzas aparentemente válidas pero que supoñen infraccións dos dereitos de autor, por erros ao marcalas, por utilizaren licenzas falsas, etc.). Non cargue: logos e símbolos con copyright; capturas de imaxe de películas, programas de televisión, videoxogos, videoclips; portadas de discos, cd's, libros, carteis de películas; imaxes obtidas en Internet das que descoñeza o status dos dereitos de autor; fotografías de xoguetes que representen personaxes dos debuxos animados, do cine, dos videoxogos ou calquera outro que teña dereitos restrinxidos; fotografías promocionais de grupos musicais, actores e actrices, etc. (comprobe a política de uso de imaxes na Galipedia): Non cargue a imaxe porque será eliminada. Non sabe como proceder: Preguntar a outros usuarios con experiencia coas imaxes.
	É unha imaxe antiga, os dereitos de autor caducaron Vostede coñece con seguirdade quen é o autor da foto e que faleceu hai máis de 70/80 anos. Pode cargar a imaxe na Galipedia con licenza PD-antiga ou facelo en Commons se ten os coñecementos suficientes. Se a imaxe é antiga pero descoñece quen é o autor : Non a cargue e pregunte a outros usuarios con experiencia coas imaxes.
	A imaxe procede de Internet O autor probablemente non autorizou a súa difusión libre. Non cargue a imaxe na Galipedia porque será eliminada. Procurar unha imaxe que poida substituíla con este motor de busca de imaxes libres.
	Ningún dos casos anteriores O seu caso non está incluído en ningunha das situacións anteriores. Non sabe como proceder : Preguntar a outros usuarios con experiencia coas imaxes.

Procedementos Procedemento de carga na Galipedia No lateral esquerdo, na caixa de ferramentas: Cargar ficheiro. No formulario: Nome de ficheiro a cargar, escoller un nome significativo, por exemplo: Castelao_Rianxo_2006.jpg, premer en browse para buscar a imaxe no disco duro. No caso de que a imaxe teña un nome asignado pola cámara ou por un mesmo que non cumpra os requisitos, pódese cambiar no campo Nome do ficheiro de destino En Descrición engadir canta información se teña da imaxe: fonte, orixe, licenza. Esta información tamén pode editarse a posteriori na páxina de descrición da imaxe. Temos unha táboa de información para incluír os datos. En Marcadores de licenza de imaxe hai unha lista de marcadores de imaxe dispoñibles, tamén se poden introducir no paso posterior. Hai algunhas licenzas que se poden escoller directamente na lista despregable deste campo. Cargar ficheiro. Lembre que é imprecindible incluír infomación do autor, a orixe da imaxe e a licenza de uso, se non sabe como facelo pregunte a un usuario con máis experiencia. Como inserir a imaxe na páxina Premer na icona na parte superior da caixa de edición. Esta icona insire o código [[Image:Exemplo.jpg]], substituír Exemplo.jpg polo nome da nosa imaxe. Agora trátase de elixir opción de presentación da imaxe: posición, tamaño e texto descritivo. No enlace anterior están as instrucións. As imaxes procedentes de Commons non é preciso cargalas na Galipedia, basta con seguir o procedemento descrito neste apartado para incluílas nos artigos deste wiki.

	Formularios de carga Formulario de carga na Galipedia Formulario de carga en Commons
	Documentación Wikipedia:Como engadir imaxes Wikipedia:Política de uso de imaxes Wikipedia:Marcadores de licenza de imaxe Wikipedia:Lista visual de marcadores de imaxe Marcadores de licenza de imaxe en Wikimedia Commons Commons:Obras derivadas Commons:Reusing content outside Wikimedia (en inglés)