A Ramallosa, Nigrán

San Pedro da Ramallosa é unha parroquia do concello de Nigrán. Segundo o padrón municipal de 2004 tiña 4.592 habitantes (2.316 mulleres e 2.276 homes), distribuídos en 23 entidades de poboación, o que supón un aumento en relación ao ano 1999 cando tiña 4.129 habitantes. A parroquia atópase no centro das catro grandes vilas do Val Miñor: Baiona, Nigrán, Panxón, e Gondomar, na beira do propio Río Miñor que no seu estiario é atravesado pola ponte románica que separa a parroquia homónima de Santa Cristina da Ramallosa en Baiona. Destaca tamén a gran cantidade de cruceiros espallados por toda a parroquia, asi como a pequena capela de A Ramallosa.