Bebeto: Diferenzas entre revisións
+ 7 categorías; ±Categoría:Futbolistas do Brasil→Categoría:Futbolistas olímpicos do Brasil mediante HotCat |
m engado a Categoría:Políticos do Brasil mediante HotCat |
||
Liña 192: | Liña 192: | ||
[[Categoría:Medallistas olímpicos de prata polo Brasil]] |
[[Categoría:Medallistas olímpicos de prata polo Brasil]] |
||
[[Categoría:Medallistas olímpicos de bronce polo Brasil]] |
[[Categoría:Medallistas olímpicos de bronce polo Brasil]] |
||
[[Categoría:Políticos do Brasil]] |
Revisión como estaba o 21 de setembro de 2021 ás 11:32
Bebeto | |||
---|---|---|---|
Información persoal | |||
Nome | José Roberto Gama de Oliveira | ||
Nacemento | 16 de febreiro de 1964 (60 anos) | ||
Lugar de nacemento | Salvador | ||
Altura | 1,78 m. | ||
Posición | Dianteiro | ||
Carreira xuvenil | |||
1981–1983 | Vitória | ||
Carreira sénior | |||
Anos | Equipos | Aprs | (Gls) |
1983 | Vitória | 4 | (1) |
1983–1989 | Flamengo | 81 | (34) |
1989–1992 | Vasco da Gama | 53 | (28) |
1992–1996 | Deportivo da Coruña | 131 | (86) |
1996 | Flamengo | 15 | (7) |
1997 | Sevilla | 5 | (0) |
1997 | Vitória | 8 | (8) |
1997 | Cruzeiro | 0 | (0) |
1998–1999 | Botafogo | 17 | (9) |
1999 | Toros Neza | 8 | (2) |
2000 | Kashima Antlers | 8 | (1) |
2000 | Vitória | 3 | (0) |
2001–2002 | Vasco da Gama | 8 | (2) |
2002 | Al-Ittihad | 5 | (1) |
Total | 342 | (177) | |
Selección nacional | |||
1985–1998 | Brasil | 75 | (39) |
Adestrador | |||
2009–2010 | America | ||
Na rede | |||
Partidos e goles só en liga doméstica. [ editar datos en Wikidata ] | |||
José Roberto Gama de Oliveira, coñecido como Bebeto, nado en Salvador o 16 de febreiro de 1964, é un ex futbolista e adestrador de fútbol brasileiro. Xogaba de dianteiro e foi internacional coa selección brasileira, coa que foi campión do mundo en 1994.
Traxectoria
Formado na canteira do Vitória, debutou co primeiro equipo en 1983.
En 1983 fichou polo Flamengo, club no que permaneceu até 1989, todos eles competindo na Série A. Durante a súa estadía no club baiano, conseguiu o campionato en 1983 e o Campeonato Carioca en 1986.
En 1989 foi contratado polo Vasco da Gama, onde permaneceu até 1992. No club de Río de Xaneiro conseguiu o campionato en 1989.
Na tempada 1992–93 fichou polo Deportivo da Coruña, que o ano anterior lograra a permanencia en Primeira División. Debutou na primeira xornada de liga, o 6 de setembro de 1992 nun partido en Riazor contra o Celta de Vigo, que rematou con vitoria local (2–0) e gol do propio Bebeto, que logrou o segundo dos coruñeses. Esa campaña o equipo adestrado por Arsenio Iglesias acabou terceiro, detrás de FC Barcelona e Real Madrid e Bebeto logtou o Trofeo Pichichi, con 29 goles.
Na tempada 1993–94 o equipo galego quedou subcampión, detrás do FC Barcelona, ano no que Bebeto anotou 16 goles e debutou na Copa da UEFA. Na campaña 1994–95 os números de Bebeto pouco cambiaron, logrando novamente 16 goles en liga, e gañando co Dépor a Copa do Rei 1994–95 fronte ao Valencia CF. Na tempada 1995–96, a súa derradeira como deportivista, debutou na Recopa de Europa, chegando até as semifinais.
En 1996 fichou polo Flamengo, participando en 15 partidos e logrando 7 goles. Mediada a tempada 1996–97 fichou polo Sevilla FC, xogando en 5 partidos sen lograr ningún gol, e descendendo a final da tempada a Segunda División.
En 1997 foi contratado polo seu primeiro equipo, o Vitória. Ese ano participou en 8 partidos e logrou 8 goles. Ese mesmo ano logrou o Campionato Baiano e a Copa do Nordeste.
En 1998 firmou polo Botafogo, logrando ese ano o Torneo Rio-São Paulo. Permaneceu un ano máis no club de Río de Xaneiro, participando en total en 17 partidos e logrando 9 goles.
En 1999 fichou polo Toros Neza de México, onde participou en 9 partidos e logrou 2 goles.
No ano 2000 foi contratado polo Kashima Antlers de Xapón, participando en 8 encontros e logrando un gol. Ese mesmo ano volveu novamente ao Vitória, onde participou en 3 partidos sen lograr ningún gol.
En 2001 regresou ao Vasco da Gama, onde permaneceu un ano máis. Nesta segunda etapa participou en 8 encontros e logrou 2 goles.
En 2002 fichou polo Al-Ittihad de Arabia Saudita, onde xogou 5 partidos e logrou un gol.
Selección nacional
Bebeto foi internacional coa selección brasileira, debutando o 28 de abril de 1985 nun partido contra o Perú (0–1). O seu primeiro gol internacional marcouno o 10 de maio de 1989, de novo contra Perú, pero esta vez con vitoria (1–4). Xogou tres Mundiais: 1990, 1994 e 1998 e foi o máximo goleador nos Xogos Olímpicos de 1996, xunto con Hernán Crespo, con 6 tantos.
En total, logrou marcar 39 goles nos 75 partidos que xogou coa selección.
Carreira como adestrador
Bebeto foi presentado, o 16 de decembro de 2009, como novo adestrador do América Football Club brasileiro.[1] Tras non obter resultados positivos foi deposto do seu cargo o 13 de febreiro de 2010, cun total de tres vitorias, un empate e catro derrotas.[2]
Carreira como político
En 2010 presentouse como candidato a deputado polo Partido Democrático Trabalhista brasileiro, para conseguir un escano na Asemblea Lexislativa do Río de Xaneiro[3].
Palmarés
- Flamengo
- Campionato Brasileiro Série A (Liga do Brasil): 1983
- Campionato Carioca (Río de Xaneiro): 1986
- Vasco da Gama
- Campionato Brasileiro Série A (Liga do Brasil): 1989
- Trofeo Ramón de Carranza: 1989
- Deportivo da Coruña
- Vitória
- Campionato Baiano (Liga do Estado de Bahia): 1997
- Copa do Nordeste (Copa Rexional do Nordeste): 1997
- Botafogo
- Torneo Rio-São Paulo: 1998
- Selección nacional
- FIFA U-20 World Cup: 1983
- Pan American Games: 1987
- Xogos Olímpicos: Medalla de prata en Seúl 1988 e de bronce en Atlanta 1996
- Copa América: 1989
- Mundial de Fútbol: 1994
- Copa Confederacións: 1997
- Individual
- Bola de Prata: 1992
- Xogador suramericano do ano: 1989
- Trofeo Pichichi: 1993
- Máximo goleador do Campionato Brasileiro Série A: 1992
- Máximo goleador do Campionato Carioca: 1988, 1989
- Máximo goleador da Copa América: 1989
Notas
- ↑ "Bebeto é o novo técnico do América"
- ↑ ""Romario despide a Bebeto como técnico del América de Río"". Arquivado dende o orixinal o 03 de maio de 2010. Consultado o 25 de abril de 2010.
- ↑ Bebeto salta a la política Arquivado 20 de agosto de 2010 en Wayback Machine., La Voz de Galicia, 16/8/2010
Véxase tamén
Ligazóns externas
- Datos do xogador en bdfutbol.com (en castelán)
- Datos do xogador en national.football.teams.com (en inglés)
Wikimedia Commons ten máis contidos multimedia na categoría: Bebeto |
- Nados en 1964
- Nados en Salvador, Baía
- Futbolistas olímpicos do Brasil
- Dianteiros de fútbol
- Xogadores do EC Vitória
- Xogadores do Flamengo
- Xogadores do Vasco da Gama
- Xogadores do Deportivo da Coruña
- Xogadores do Sevilla FC
- Xogadores do Cruzeiro EC
- Xogadores do Botafogo
- Xogadores do Kashima Antlers FC
- Xogadores do Al-Ittihad
- Xogadores da selección de fútbol do Brasil
- Adestradores de fútbol do Brasil
- Futbolistas nos Xogos Olímpicos de 1988
- Futbolistas nos Xogos Olímpicos de 1996
- Medallistas olímpicos en fútbol
- Medallistas nos Xogos Olímpicos de 1988
- Medallistas nos Xogos Olímpicos de 1996
- Medallistas olímpicos de prata polo Brasil
- Medallistas olímpicos de bronce polo Brasil
- Políticos do Brasil